مين اللى قال طول الولد للرجولة مقاس
الدين فين من عقله واحترامه لكل الناس
حسن السلوك وتواضعه أغلى من الماس
ابنك خاويه يعنى أخ لك بإهماله هيحتاس
والناس تدوسه زى حشرة بقديم اديداس
الفرحة مش عروسة وزغرودة وأناناس
ولا ديك رومى بحلة الاتفاق معاه حراس
الجواز اوله صحيح دين يافرس الافراس
ومشاركة بالحب تبقى فى العسل انغماس
ودفء المشاعر بطانية القلوب ياحساس
ورحمة القلوب تخلى الاحزان فى انتكاس
تعلى السعادة ونور الود يبقى تاج نبراس
وتعرف شروط القوامة لشمس الاشماس
تعيش حياتك تراب خطاويك بلهفة يتباس
يعشش فى القلبين حب يعطر بكما انفاس
الرجولة مش طول ولا كلمة فى الكراس
الرجولة شهامة وفطنة مش جوه اكياس
اوعوا تزعلوا دا جرس واحد من اجراس
يارب اسعد كل مخلص ولا تسعد الهلاس
آمين والحب يبقى عسل حياة كل الحواس
تم أضافة تعليقك سوف يظهر بعد المراجعة