أكد أحمد عبد الهادى، المتحدث باسم مترو الأنفاق، أن مترو الأنفاق ملك لكل المصريين، الأغنياء والفقراء، ويستخدمه يوميًا حوالى 3.5 مليون راكب، متابعًا: "مش عدالة اجتماعية إن واحد يركب مترو يلف بيه الـ3 خطوط بـ2 جنيه، ويرجع يركب توك توك بـ10 جنيه".
وأضاف "عبدالهادى"، فى تصريحات تليفونية ببرنامج "آخر النهار"، الذى يقدمه الإعلامى معتز الدمرداش، عبر فضائية "النهار" مساء الاثنين، أنه يتم تركيب 850 بوابة جديدة، بتكلفة 160 مليون جنيه، وستستخدم نظام الشرائح فى زيادة أسعار المترو، على حسب عدد المحطات.
وعن موعد زيادة أسعار التذاكر، قال إنه سيكون مع قرب افتتاح محطات الخط الثالث، وانتهاء العمل من البوابات، لافتًا إلى أن وزير النقل أكد أن سعر التذكرة لن يزيد عن 5 جنيه.
وناشد وسائل الإعلام المختلفة بالوقوف بجانبهم فى هذه المسألة للحفاظ على المترو.
عدد الردود 0
بواسطة:
محمود احمد محمد
و الله العظيم حرام عليكم
مش عارف السيد / وزير النقل و المتحدث الرسمى للمترو عايزين ايه من الشعب المصرى مع احترامى لكل الاراء التى تحاول ان تقنعك بان المترو فى مصر مثل المترو فى فرنسا و بريطانيا و غيرها من التصريحات الغريبة دى يا سادة المقارنة غلط و ظالمة للمواطنين المصريين طب ممكن حضراتكم تقولولى دخل المواطن فى هذه الدول كام طب قولولى متوسط الضرائب التى يتحملها المواطن كام طب قولولى مستوى التعليم فى هذه البلاد مقارنة بمستوى التعليم او اى خدمة اخرى يا سادة لا تظنوا اننا اغبياء حرام عليكم لما المترو الى هو المفروض وسيلة نقل جماعية بل و انجح وسيلة نقل حتى الان فى مصر بفضل رخصها وسرعتها لما تصل فيه التذكرة الى 5 جنية طب الطلبة تعمل ايه و الموظفين و غيرها من الفئات صاحبة الدخول البسيطة و بعدين يا سيدى الناس بتركب التوتك فى مناطق لا يوجد بها اصلا ً خدمة مواصلات هو انت سيادتك تقدر تدخل المترو فى حوارى شبرا الخيمة مثلا ً و بعدين انا لست ضد الزيادة و لكن بالمعقول و انشالله توصل ل 10 جنية مش 5 بس ادينى دخل اقدر اصرف بيه على المواصلات بهذه الاسعار بلاش فلسفة المترو و غيرها من الخدمات فى جميع الدول التى فى مستوى تعد من الخدمات القومية و الاجتماعية لابد من الحفاظ على اسعارها فى متناول اصحاب الدخول البسيطة و شكرا ً
عدد الردود 0
بواسطة:
marie
هو احنا اللي سايبين التوك توك
هو احنا اللي سايبين التوك توك يمص دم الناس .... ياريت الوزير ميعملش راسه براس التوك توك اللي هوا مسيبه علينا...........
عدد الردود 0
بواسطة:
أشرف
أرجو منكم أعادة النظر فى هذه القرارات .
من الممكن أن تزيد أيرادتكم عن طريق تأجير أماكن للمحلات فى المحطات وكذلك مساحات للأعلانات فى المحطات وفى داخل المترو . كذلك يجب عمل أشتراكات لمدة 3 أو 6 شهور أو سنه للعاملين الذين يحتاجون للمترو كوسيله للذهاب الى أعمالهم واللذين سيعانوا من الغلاء لأنه لن يرتفع مرتب أحدهم بهذه النسبه .
عدد الردود 0
بواسطة:
أحمد
حرام عليكو ربع المرتب ضايع في المواصلات بس
والله أنا بركب 4 موصلات وأنا ذاهب للعمل و 4 وأنا مروح ، وربع المرتب ضايع في المواصلات لوحدها ، وبعدين بدل ما تزودو المترو رخصوا التوكتك ، دا كمان الكل هايزود سعر المواصلة علي حس المترو والبنزين.
عدد الردود 0
بواسطة:
محمد علي
احترام الشعب
ياريت مرة واحدة نحس ان في حكومة بتعمل من اجل المواطن المطحون ونسمع مرة عن وزير بيتكلم عن حل منطقي للمشكلة .. الحل ياسيادة الوزير موجود في دول اوربا الشعب كلة معاة اشتراك سنوي موحد بيستخدمة علي جميع المواصلات العامة ترام مترو باص .. وبكل بساطة قيمة الاشتراك بيتحدد لكل فرد من الشعب حسب دخلة السنوي يعني الطالب مجاني المواطن اللي دخلة 5000 يورو في الشهر اشتراكة مثلا ب500 يورو في السنة المواطن اللي دخلة 2000 اشتراكة 150 المواطن اللي بياخد اعانة بطالة اشتراكة مجاني وهكذا بمنتهي البساطة بيوصل الدعم بشكل بسيط ولا مجال للتلاعب لان المنظومة كلها تحت السيطرة وبيانات كل مواطن موجودة عند الحكومة لكن تصريحات الوزير عن الزيادة بتؤكد انة اخرة يكون سواق توكتك مش وزير
عدد الردود 0
بواسطة:
هادي
الموت لنا احسن
احنا نموت احسن علشان البلد ترتاح مننا ومتلقيش حد تزود عليه الاسعار