قال الدكتور هشام عرفات، وزير النقل، إنه قرر تطبيق نظام المحطات فى سعر تذكرة المترو، بداية من بداية العام المالى المقبل 2018/ 2019، لافتا إلى أنه حتى اليوم لم يتم الاستقرار على قيمة التعريفة الجديدة التى سيتم العمل بها فى نظام المحطات، وأن الأمر قيد الدارسة، متابعا: " الأكيد ستحدث زيادة وتطبيق لنظام المحطات مع بداية يوليو المقبل".
وأضاف وزير النقل فى تصريحات لـ"اليوم السابع": "سنرفع سعر التذكرة، ونطبق نظام المحطات، لأن لو محلصش كدة الدنيا هتخرب والمترو هيقع.. وفى جميع الأحوال سعر التذكرة فى نظام المحطات لن يتعدى 5 جنيهات، والناس لازم تفهم أن المرفق ده ممكن يقع وأنا قلت الكلام ده قبل كدة كتير.. المترو بيخسر فى السنة 100 مليون جنيه فقط بسبب زيادات الكهرباء الأخيرة".
وأوضح وزير النقل أن المترو كان يستهلك شهريا كهرباء قبل زيادات أسعار الكهرباء الأخيرة بـ 9 ملايين جنيه، لكن بعد الزيادات ارتفعت قيمة الاستهلاك الكهرباء شهريا إلى 18 مليون جنيه.
وتابع الوزير: "يعنى فيه فرق حوالى 100 مليون جنيه.. وكمان وزارة الكهرباء، وزى ما أعلنت قبل كدة، هترتفع قيمة الكهرباء، مجددا مع نهاية يونيو اللى جاى.. وأنا مقدرش استحمل كل ده عشان كده ستكون هناك زيادة اعتبارا من يوليو المقبل".
ودعا وزير النقل المواطنين إلى تفهم خطورة وضع المرفق، وأن هذه الزيادة تستهدف الحفاظ على المرفق، حتى لا يقف، لافتًا إلى أن النظام الجديد سيكون كل عدد معين من المحطات بسعر مختلف مستطردًا: "المترو لو وقف المواطن هيركب وسيلة النقل العامة زى الأتوبيسات بـ 9 جنيهات، ولو ركب ميكروباص هيضطر يدفع 14 جنيها.. إحنا بنقول التذكرة مش هتعدى 5 جنيهات".
وأكد وزير النقل أنه يحتاج 26 مليار جنيه لإعادة تأهيل وتطويرالمترو بشكل عاجل، والهدف من أى زيادات فى سعر التذكرة، جلب تكلفة التشغيل والحفاظ على المرفق، متابعا: "ده مرفق ملك للمصريين وعليهم الحفاظ عليه.. وهذا القرار لصالحهم".
عدد الردود 0
بواسطة:
مشمش ٢٥/ ٣٠
يزودوا الاسعار 300% ..والمرتبات والمعاشات بالكتير يزودوها 10%
😎
عدد الردود 0
بواسطة:
مشمش
واضح ان الوزير ليس سيد قراراه
😎
عدد الردود 0
بواسطة:
مشمش
يعنى لو ما دفعتوش ال ٥ جنيه ف المترو ...حتدفعوا ٩ جنيه فى الاتوبيس و ١٤ جنيه فى الميكروباص
...😎 لك الله يا شعب مصر
عدد الردود 0
بواسطة:
SAMI MANSOUR
وزير كفر الهنداوة
سيادة الوزير المحترم... حد قال لسيادتك اننا شعب مصر هنوووود...؟؟؟ بعد الزيادة الاخيرة فى سعر المترو يدخل للمترو يوميا 4 مليون جنيه الكهرباء بقى تزيد ماتزيدش دى مشكلتك يعنة انت اساسا مش بتدفع قيمة الكهرباء للحكومة وبعدين شوف اعداد الموظفين اللى سيادتك موجودين فى هيئة المترو كم هائل من الموظفين تقريبا بدون عمل يذكر بالاضافة شركات الامن الخاصة التى تنهب من ايرادات المترو الملايين بالاضافة الى مكافات الموظفين الفليكة ... كل دهسيادتك على حساب المواطن الغلبان المقهور.. سيادة الوزير... اقفل بولبة الاهدار للمال العام ورشد النفقات وعظم ايرادات الهيئة عن طرق الاعلانات وبلاش بطالة مقنعة وعمالة زايدة والمترو هيكسب باذن الله
عدد الردود 0
بواسطة:
حسن
المواطن المطحون
انا حاسس ان الوزير بياخد نسبة على التذكرة من 2 الى 5 ده اسمه تهريج.. انت كده عديت الفلنكات زى مابيقولوا
عدد الردود 0
بواسطة:
مواطن موظف
حسبنا الله ونعم الوكيل
اذا كان سيادة الوزير المحترم بيقول انه مش قادر يتحمل زيادة اسعار الكهرباء وخصوصا بعد الزيادة اللي تم اﻻعلان عنها انها في بونيو 2018 احنا بقى ان شاء الله اللي نقدر نستحمل الكهرباء والمياه والغاز والمواصلات والطعام حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل
عدد الردود 0
بواسطة:
mohamed sayed
الكهرباء والمترو
يعنى الكهرباء زادت الضعف طيب مش حرام...ولا هى زادت على المترو ومزدتش على الشقق السكنيه للمواطنيين
عدد الردود 0
بواسطة:
مصرية
حسبنا الله ونعم الوكيل
حسبنا الله ونعم الوكيل
عدد الردود 0
بواسطة:
Mahmoud
بنحب السيسى والله..من فضلكم..فكروا تانى وتالت ورابع.. حلول اخرى.
حسبنا الله ونعم الوكيل هنجيب منين ..دخلنا ثابت وبتطالبو بزيادة طب منين..بنحب السيسى ونؤيده ..بس كدة حرام كفاية ..رفقا بالطبقة الوسطى. فيه افكار بديلة زى الاعلانات على الجدران او على التذاكر اوى على المترو ..فكرو فى حلول اخرى من فضلكم..
عدد الردود 0
بواسطة:
محمد سعد
إحنا بنقول التذكرة مش هتعدى 5 جنيهات
يعني يتم رفع قيمة تذكرة المترو الي خمسة جنيه ولما أصحاب العقارات القديمة اللي بيأجر الشقة بجنيه ونص في الشهر يقول نحرك الإيجار يقولو الساكن ميقدرش طيب والمالك محتاج إيجار الشقة لمدة ستة أشهر علشان يدفع تمن تذكرة المترو رايح جاي علشان يلم الإيجار لو سمحتو حد يديني حقنة بنج أوحتي حقنه هوا علشان نرتاح من الغم ده