فرق كبير من أن يُسخر الطلاب للعمل خلال اليوم الدراسى، واستغلالهم كعمالة بين جدران مدرستهم، وبين مدير يقوم بتنظيف وتقليم الأشجار فى ساحتها لتظهر أبهى صورها وتجميلا لأرجائها، فالمثال الأول استغلال والثانى قدوة لغيره ممن يستغلون التلاميذ فى العمل.
مدير المدرسة يتقمص دور الجناينى
نشرت مدرسة كفر المنصورة الابتدائية بطنطا، مبادرة مدير المدرسة، محمد محمد عيسى، بتقليم الأشجار حتى تظهر فى شكل جيد، متجردًا من منصبه، لجعل مدرسته نظيفة وجميلة فى عيون طلابه.
مدير المدرسة، محمد محمد عيسى
وأبدى عدد من رواد مواقع التواصل الاجتماعى عن إعجابهم بمدير المدرسة، وحرصه على العمل بنفسه لتنظيف مدرسته، ليكون قدوة لطلابه وغيره من مديرين المدارس فى المحافظات المخلتفة، مؤكدين أن مبادرته دليل على استحقاقه الاحترام والتقدير، ومثال للمدير الجدير بالمنصب.
محمد محمد عيسى ينظف الأشجار داخل المدرسة
مدير مدرسة يقلم أشجارها
عدد الردود 0
بواسطة:
مصطفى السعدى
لاتستغربوا من هذا الفعل
فالمدارس بها عجز شديد من معلمين ووظائف الاداريين والعمال ومشرفى واخصائيى الانشطة ولاتوجد تعيينات جديدة لسد العجز بالمدارس . فمدير المدرسة والوكيل طول اليوم يعملون عمل الاداريين وعمل الجناينى واعمال اخرى بجانب عملهم وتحميل المعلمين اعمال اخرى يعلمها من يعمل بالتعليم مثال مسئول لجنة كذا وكذا وفوق كل هذا مطلوب التعليم ينجح فى مصر
عدد الردود 0
بواسطة:
جمال
محترم جدا
انسان محترم جدا عنده ضمير وقدوة مثلى في زمن عز فيه أمثاله
عدد الردود 0
بواسطة:
سعيد
ما تستغربوش ايه اللى حصل للمدرسين فكرونى بمدرسة المشاغبين
واحد يقلب المدرسة صالة افراح والثانى يحول طابور تحية العلم بالهتاف لسيادة المحافظ ومدير الادارة وللسيد ناظر المدرسة والثالث بيشرح الكيمياء بءيحاءات جنسية وواحد بيتقمص دور الجانينى وواحد مبيض محارة وكله بالجهود الذاتية الاحسن تقلبوها كلها مدارس يابانية وامريكية وكندية وهندية وسيبنا من مقولة قم للمعلم ووفه التبجيلا كاد المعلم ان يكون رسولا
عدد الردود 0
بواسطة:
نادر
ولى امر شاهد
شاهدت المنظر بأم عينى مرتين فى مدر سه مجمع (١) الابتدائيه بشبراويش مركز اجا محافظه الدقهليه مدير المدرسه يقوم بتنظيف وغسل حمامات التلاميذ و مره اخري يقوم بكنس الفصول والطرقه الخارجيه للفصول حيث كان يرتدى ملابس عمل قديمه وذلك حتى لا تتسخ ملابسه الرسميه حد فيكو شاف مدير مدرسه بالمنظر ده ؟!!!! فتبادلت مع مدير المدرسه الحديث و قال لى : عندى اتنين عمال معاقين فى المدرسه مينفعوش للشغل بس اعمل ايه ؟! اترك المدرسه بزبالتها ؟! وقال لى انه خاطب اداره اجا التعليمية ومفيش فايده لازم الوزاره المحترمه تشوف حل للموضوع ده علشان ده اسمه تهريج أين هيبه مدير المدرسه ؟! كده طبعاً تحت الجزمه لاوالله مثال هذا المدير جزمته على راس الكل لانه راجل محترم لانه طبق مبدأ الايد البطالة نجسه وفضّل انه يشتغل كناس وكم من أيد تعمل فى القطاع الحكومى بطّاله وتتقاضى أجرها آخر الشهر وهى لم تعمل بشلن اغيثوا هذا المدير المحترم بجد اسمه الاستاذ/ مسلم عبدالفتاح التوقيع/ ولى امر طالب
عدد الردود 0
بواسطة:
محمدموسي
سلمت يداك
سلمت يداك ،، وسلمت كل يد تعمل ارضاءآ لله ،، ثم خدمة للوطن
عدد الردود 0
بواسطة:
المصرى
ليه كده
هى دى مصيبة البلد أن كل واحد فى شغله سايبها و بيشتغل فى ناحية تانيه خالص .قريبا نجد طبيب سايب المستشفى و بينظف الشارع. لو كل واحد فاهم شغله كويس هنتقدم و لا هى موضه علشان الشهره
عدد الردود 0
بواسطة:
عماد عمار
يا ريت كلواحد يخليه في شغلته
دي بقت حاجه تقرف
عدد الردود 0
بواسطة:
محمد مشعل
الله ينور عليك
تحياتي لحضرتك ولأمثالك
عدد الردود 0
بواسطة:
سعيد
مدرسة المشاغبين هى السبب
قم للمعلم ووفه التبجيلا كاد المعلم ان يكون رسولا كان هذا فى العصر الذى انجب طه حسين والعقاد واباظة وغيرهم من القمم واصبح العلم الان يكيل بالباذنجان
عدد الردود 0
بواسطة:
ابوعمر المصري
الصور بتقول ان الراجل شغال بالنهار وبالليل .. يعني ما بيريحش خالص ..
التعليق فوق