فيسبوك
واتساب
مصر المحروسة برب الكون
رايحة لكأس عالم فى المضمون
بجهود رجّالة الحلم يكون
وفريقنا وصل للعالمية
هيّصوا يا شباب للصبحية
****
من عند الننّى تروح لصلاح
سدد جاب جون محلا الأفراح
خلّيتوا الحزن يولّى وراح
وفريقنا وصل للعالمية
هيّصوا ياشباب للصبحية
*****
مبروك ياشباب فرحة بلدى
يافريق فرسان وسبب سعدى
يابلد للمجد هناك عدّى
وفريقنا وصل للعالمية
هيّصوا ياشباب للصبحية
*****
وبلحظة انتفضت جوّاكم
وطنية وربنا قوّاكم
ال 100 مليون فرحوا وراكم
وفريقنا وصل للعالمية
هيّصوا ياشباب للصبحية
