المرأة رمانة ميزان الأسرة والتى تتوقف كل كبيرة وصغيرة بالمنزل على مدى إعدادها لها، ولكون المرأة تمثل فى المنزل وزارة الاقتصاد التى تهدف لتوزيع موارد الأسرة توزيع يتماشى مع احتياجاتها بحيث لا تقع فى ضائقة مالية نتيجة لخطأ فى الحسابات قد يكون ناجم عن سوء تقدير، نوضح لكِ مقدار الزيادة المالية التى أنت بحاجة لتخصيصها للخروج للترفيه مع أسرتك أو لعلاج أحدكم أو عند شراء الملابس بعد غلاء الأسعار وتطبيق قانون القيمة المضافة.
أطفال فى نزهة
فعندما تقررِ الخروج للتنزه مع أسرتك فهناك أشياء بسيطة لا بد من أخذها معك مثل الشيبسى والمياه الغازية مع السندوتشات، ورغم بساطة الأشياء السابقة إلا أنه يستوجب عليك وضعها فى اعتبارك حيث تمت إضافة ضريبة عليها وهى القيمة المضافة والتى ستؤدى لزيادة الشيبسى لزيادة تقدر بـ5%، أما المياه الغازية فستزيد بنسبة 8 %، بينما الحلويات المصنوعة من دقيق فضريبتها 5%.
وعن الوسيلة التى سوف تستقلها الأسرة أثناء التنزه فإن كانت سيارة خاصة فتقدر الزيادة بالنسبة المحددة على البنزين والسوﻻر كل حسب نوعه، وإن كانت مواصلة مكيفة سواء أتوبيس أو قطار ينتقل من محافظة لأخرى فستطبق عليها الضريبة والتى تصل ل5%.
طفلة مريضة
وفى حالة مرض أحد أفراد الأسرة، عليك أن تضع فى اعتبارك زيادة الكشف وذلك لإضافة ضريبة تقدر بنسبة 10% على الأطباء وأصحاب المهام الإستشارية حيث يلجأ الطبيب لتحميل المريض عبئ زيادة الأسعار.
سيدة تتسوق
ورغم أن قانون القيمة المضافة لا ينطبق على الملابس إلا أنها قد تشهد ارتفاع فى الأسعار لزيادة سعر البنزين والسوﻻر التى تستخدم فى ماكينات صناعة الملابس، إضافة إلى ارتفاع سعر المواصلات الأمر الذى يؤدى لارتفاع أسعار الملابس أيضاً.
عدد الردود 0
بواسطة:
تيتو
مش عارفين نعيش
الاسعار تغلى كل يوم والرواتب مش كافيه ما العمل
عدد الردود 0
بواسطة:
منين نجيب الصبر
أة ياختى معاكى حق هى رمانة الميزان وعامود الخيمة اللى لو شلتية الخيمة تتهد على نفوخ أمنا
واللة عندك حق هى كل حاجة هى الاساس ومن غيرها نحتاس ..شوفى ياعنية هى بتعمل أية..شايلة الهم كلة على راسها والفكر موريها النجوم فى عز الظهر وأحلام الليل كمان..فكر ربنا لا يكتبة لا على عدو ولا حبيب..عمالة تهرى وتنكت فى نفسها ..علشان حسبة برما بتاعة كل أول شهر وبقية الأيام..أبتداءا من هيجى ..سى..السيد..ويرمى لى كام ملطوش أعمى أبن أعمى فى حجرى وكأنها صدقة لى وللعيال..ومطلوب منى مع الكام ملطوش العميان برضة دة لو انا بشتغل..أن أأكل وأشرب وأدخل المدارس وكسوة لكل المناسبات وعلاج وفسح ومصيف فى جزر الكنارى وحفلات موسيقية وسينما ومسرح..ووقت لتدليع وفرفشة ..سي..السيد..لو كان عندى نفس ولا معنديش..ماهو الفرفشة والدلع والذى منة داخلين ضمن الحساب..ويا ويلى وسواد ليل أمى لو الميزانية خسعت وتبقى منها كمان بعد تنفيذ كل المطالب أعلاة..يبقى هتبقى عيشة أمى أسود من قرن الخروب..دة بالاضافة ألى العشرة كيلو لحمة ضانى مشفية كل شهر..بصراحة ما خبيش عليكوا..أنا ساعات بخنصر شوية من مصروف البيت..علشان خايفة لا الولاد ولادنا..يحبوا يخرجوا مع الموزز بتاعتهم فيلاقوا قرشين كدة على جنب يتشبرقوا بيهم..أخ يا نا ياما أة يا لخوتيييي النفوخ بتاع الأنا ساخ وضرب من كتر التوفير ..وبقى زى العصافير..خد منكم يفخيمنى فى العيشة السوخة دى الواخد ولوخدة يقدر يعيش أزاى ..يا مثبت النفوخ فى الدماغ..يا ربونا يا بتاع الغلابة شوية صبر من عندك..يحسن أنا فطستو خالص
عدد الردود 0
بواسطة:
محمود ماهر
بطلوا تخلقوا مشاكل ومسئوليات وانتوا هاتعرفوا تعيشوا
الزواج والانجاب هو خلق لمشاكل ومسئوليات ويجب الكف عنه تماما
عدد الردود 0
بواسطة:
ابن مصر
فسح ايه مش ناكل عيش الاول
اللى معاه اربع او خمس عيال فى مراحل تعليم ومرتب زهيد يدوب بيمشى الشهر بالعافية هيفكر فى الفسح عالم رايقة والله
عدد الردود 0
بواسطة:
عايدة
لية بتفكرني
انا قولت انسي الكام يوم بتوع العيد لية بتفرني بالميزانية و الهم و الغلب و حوسة المرتب انا دخلة علي سواد سواد
عدد الردود 0
بواسطة:
عبدالرحمن غريب
طيب لحد امتى بجد
انا واحد لسه طالب جامعه و فعلااا مش عارف اكون نفسى التلاجه بقت ب 8 الاف جنيه و التيلفزيون بقا ب 3 الاف ال 40 بوصه و محدش يقولى هات على قد فلوسك لان مجبش تلاجه تبوظ بعد شهرين من الاستخدام وافضل اصلح فيها و بعدين المهرب الوحيد الموجود علشان اكون نفسى انى اطلع بره البلد هل هو ده الحل الوحيد انى اشتغل بره بلدى علشان مش نفعانى البلد بحاجه
عدد الردود 0
بواسطة:
عاصم محمد
والله حرام
ياجماعه الخير والله السياسه المتبعه من جه الحكومه حاليا ليست بالحل السليم والضريبه الجديدة التي سترفع من اسعار جميع مايستخدم في حياتنا اليوميه افتراء من الحكومه علي الشعب وبلطجه كمان ازاي واحد بياخد 1000 جنيه كان مش عارف يعيش بيهم في الاساس تقوم محمله 8?ومش عارف كام ?علي اي اساس ترفع كل شي مين الي وضع السياسه والقانون دا اكيد ميعرفش حاجه عن الغلابه ولايعرف احنا اساسا عايشين ازاي ياريت بدل مايعمل قانون ميأثرش فيه يعمل قانون يلم من الاغنياء ويبقي اسمه ضريبه الاغنياء وسيب الفقراء ومتوسطي الدخل في حالهم هو ليه كل حاجه تيجي علي دماغنا احنا والله والله والله انا من الناس وفي وسط الناس الناس خلاص اتخنقت من الي بيحصل ومن الحكومه ومن الريس كمان ومحدش عارف الناس دي بالذات مطلعتش في اي ثورة ولا بتاع لو طلعت المرة دي ايه الي هيحصل .. عندك 100 طريقه وطريق تلم بها فلوس للبلد كفايه عليك الاغنياء ومرتبات القضاه ومرتبات الجيش ومرتبات الحكومه بتاعتك ومرتبك نفسه عايزين تشتغلو حكام للناس وتحلو مشاكلهم يبقي خد بس مرتب يمشيك مش لازم تركب عربيه ايه وابنك عربيه ايه والمدام ايه وساكن في كمبوند ايه ولا فارق معاكم الناس الغلابه عمر ماحال البلد هيتصلح الا لما الكل يدي البلد دي مش الفقير الي مش لقي هو الي يدي بس .... الخلاصه الراجل وحكومته بيقول للي مش هيقدر يعيش في الغلاء دا اسرق عشان تعيش .