دنيا عجيبة.....عسكرى ممكن ياكل فيل
وحصان بيتمخطر.....يمين وشمال بيميل
طابية حصن أمان.....شكلها حلو جميل
وزير له سلطان وطغيان.....اللى قدامه يشيل
ملك له كل الكرامة.....على راسه إكليل
كسلان فى خطوته.....مريض وعليل
بس لو مات.....بيكون حدث جليل
ينتهى الدور.....الفايز على وشه تهليل
والمهزوم يشعر أنه غلطان وذليل
هى دى الحياة.....تمثيل فى تمثيل
لعبه ليها نهاية.....يلعبها جيل ورا جيل
أوقات أكون الملك.....وده وقت قليل
أشعر بزهو العالم.....من غير أى دليل
مع إنى غريب فى الدنيا.....منتظر الرحيل
اوعى تسمع للشيطان.....كلامه كله تضليل
تم أضافة تعليقك سوف يظهر بعد المراجعة