د. صبرى إسماعيل يكتب: الحُب له أسباب

وكل المشاعر ليها سبب
سعادة وكُره وحُزن وغضب
توفر شروطها تشوف العجب
وكله بأمر الإله انكتب
*****
بحبك يا أبويا لأنّك حامينى
تأمّن حياتى ورافع جبينى
وبيك الإيمان بيكمل ودينى
وإنت الحنان ونورى وعينى
******
بحبّك يا ابنى لأنك خليفتى
وبكره تقود المسيرة وسفينتى
وفخرى بنبوغك وداعم مكانتى
لأنك حياتى وحلمى وسيرتى
*****
بحبّك يا أمى تصونى حياتى
وسِلمك يزيّن نهارى وسُباتى
بحبّك حنانك وبسمة باباتى
وكلمة تجمّع وتمنع شتاتى
*****
بحبك يا زوجى يا ستر وغطاء
وكل الكرم والحنان والعطاء
ودفء المودة فى برد الشتاء
وحافظ كرامتى وعيلتى برضاء
******
بحبك يا زوجتى كرامة وغرام
بحبك أنوثة وأم وهيام
وكل الأمانة وفكر وسلام
وساترة عيوبى وبدر التمام
*****
بحبك يا أخويا وخالى وعمّى
وأهلى تكونوا معايا ويمّى
ويرضى إلهى بفرحى وهمّى
تكونوا سندنا وتبقوا فى دمّى
*******
بحبك خطيبتى أدب واحترام
وحُسن وسلاسة وحلو الكلام
وأصلك ودينك وطيبة الكرام
وستر وقناعة وعيشة السلام
*****
وفيه حُب فاسد ورغبة شيطانة
وكِذب وخداع وكل الخيانة
وعقل مغيّب وظلمة جبانة
وكل الخسارة وكل المهانة