نصر الدين محمود سالم يكتب: أنا طفل سورى تركت أرضى

وبعدين معاكم ياعرب
ساكتين ليه ع ال انقتل
انا بيتنا ف الارض اتخرب
قوليلى انتوا ايه العمل
كترت جوانا الاهات
وانتوا واقفين ف الثبات
سبت بيتى واهل حارتي
هصرخ واقول الارض عرضي
انا طفل سورى تركت ارضي
وروحت اعيش ف مخيمات
وانتو شايفين ال مات
احنا بنموت كل يوم
احنا بنموت جوا سور
مدفع بيقتل بالمئات
مين هيجى عليه الدور
انتو فين ياشعب اجدادي
ياشعب مكتوب ف الرساله
امتى يخلص يوم حدادي
تاهت فى عينى الابتسامه
وانتو بتحبوا السكات
وانتو واقفين ف الثبات
وانتوا شايفين ال مات
ومدفع بيقتل بالمئات
وموطيين ومغمضين
دفنتوا جوانا الحياء
ويا الصبايا والمشايخ
والرصاص بيجرى فوق عيوني
والصمت جوايا وصارخ
وصوت بنادق صوت مدافع رشاشات
وانتو واقفين ف الثبات
والدم بيخلص وانشرب
قولولى ليه ساكتين خجل
بعدين معاكم يا عرب
ساكتين ليه ع ال انقتل
انا بتنا فى الارض اتخرب
قوليلى انتو ايه العمل
....؟؟؟؟؟