زوجة عدوية تبكى على الهواء بعد مطالبة حلمى بكر... by youm7
انهمرت نوسى زوجة الفنان أحمد عدوية، فى البكاء خلال مداخلة هاتفية لبرنامج "العاشرة مساء"، مع الإعلامى وائل الإبراشى، بعد مطالبة الموسيقار حلمى بكر لزوجها باعتزال الغناء.
وأشارت زوجة الفنان أحمد عدوية، إلى أن حلمى بكر كان قاسياً على زوجها، مضيفة: "عدوية لا يأكل الكلام، ونفسه متقطعش، وهنثبت الكلام دا كله لجميع المشاهدين والعالم العربى بشريطه اللى نازل قريب فى الأسواق، وبعدين عاوزة أسمع رأيه تانى".
واستطردت نوسى: "حلمى بكر أستاذنا ورأيه فوق راسى، بس حلمى مش حاسس إن أحمد عدوية راجل بطل ومكافح وفاتح بيته لغاية الآن من الغنا بتاعه، وهو مجاهد وواقف على رجله، تعالى يأ أستاذ حلمى شوف النقابة بتاعة حضرتك وافتح بيت أحمد عدوية، دا بدل ما تشجعه وتقوله برافو عليك يا جندى ياللى واقف على رجلك عشان تفتح بيتك، ومتمدش إيدك لأى بنى آدم"، مضيفة: "فى يوم لما كان عدوية فى غيبوبة بعتت له النقابة ألفين جنيه، قالى خديهم هتعملى أيه أى حاجة تسندك".
ومن جانبه قال الموسيقار حلمى بكر، إنه يقسو لكى يشفق على أحمد عدوية عند مطالبته له باعتزال الفن، مضيفاً أن عدوية له قيمة عند الجماهير عند ظهوره، وجاءت له حالة مرضية، وأى مطرب له عوامل زمنية وعمرية، متابعًا: "هناك صوتان أيضاً هيبطلوا الأغانى غصب عنهم، خلال السنتين الجايين، لأن عندهم مشكلة فى الأحبال الصوتية"، مشيراً إلى أنه يتحدث عن الأصوات علمياً، مستطردًا: "أنا هبطل المهنة دى وكل اللى اتعلمته أرميه فى الزبالة وأشتغل تمرجى، لو نجح ألبوم عدوية".
عدد الردود 0
بواسطة:
فوزى خليل
ارحموا عزيز قوم
يااستاز حلمى انت لابترحم ولابتسيب رحمه ربنا تنزل وبعدين انت مالك يعتزل ولامايعتزلش هو انت ال بترزقه وحتى لو اعتزل يكفى ماله من تراث وسميعه من جميع دول العالم الدور عليك انت فين تراثك المؤثر فى الناس اوعه تفتكر ان الدندنه الل بتعملها دى الحان . فينك انت من كبار الملحنين فى زمن الفن الجميل فينك من المقامات الموسيقيه اللى قضيتم عليها ووضعتم بدلا منها مسخ موسيقى على شوية هشك بشك كله شبه بعضه وكله يصلح لكله يمكن الحان عدويه فيها تنوع يميز كل غنوه عن الاخرى وهذاهوسر نجاحه . دع الملك للمالك
عدد الردود 0
بواسطة:
نبيل احمد
الفنان المبدع احمد
يا عدويه استمر والبومك هينجح ولا تلتفت للاشياء الصغيره فانت أستاذ الغناء وكلنا نحبك وصوتك قمه في الروعه وانا اول من يشتري البومك وفقك الله
عدد الردود 0
بواسطة:
الدكتور ماهر كامل
هى نفس رزالة حلمى بكر المعهودة و المتكررة ولا جديد تحت الشمس
كلمة لحلمى بكر...ارحم من فى الارض يرحمك من فى السماء و كفاياك رزالة
عدد الردود 0
بواسطة:
مهيب
تحيه للرائع احمد عدويه
حلمى بكر نسمع منك ضجيجا ولا نرى طحنا ومحاولاتك المستميته لنيل شرف ذكر اسمك فى اى منشيت وبعد ان أفلست تماما ولم يجد لديك شئ تقدمه كى يتذكرك الناس تفرغت للهجوم على فنان نسأل الله ان يشفيه حتى يعود اسمك مره اخرى للظهور وانا اقول لك اتقى الله ودع الرجل وشأنه انت شخص فاشل فى كل شئ حتى جوزاتك فشلت فيها قولى اخر عمل قدمته كان أمتى ومن كام سنه ونجح ولا لم ينجح خليك فى نفسك يا فاشل
عدد الردود 0
بواسطة:
مرجان
لما الناس بتنسى حلمى بكر بيحب يرجع على اكتاف اسيادة
اصحى يا عم حلمى وبطل الشويبتين بتوعك ارحم نفسك ........................ حربت احمد عدوية والناس كلها عرفته واسمة رنان...............................حربت الله يرحمة حسن الاسمر وتوفى ومازالت الناس فاكره....................... حربت حكيم واصبح من النجوم.........................من الاخر الى ميدفعش لحلمى ويألفله اغنية يبقى وحش .......................................بصراحة انتا تيييييييتتتتتتتت
عدد الردود 0
بواسطة:
Moe
حلمي
المهم يا حلمي بكر تعرف تتعامل مع الحقن والمحاليل
عدد الردود 0
بواسطة:
احمد العطار
عدوية حبيب الملايين
يا عم حلمى اتقى الله فينك انت من حب الناس الفنان عدويه الناس بتحبه لكن انت فاشل محدش بيحبك يا رزل