ســمــير حــافـــظ النواجـــى يكتب: حــبـة حـــــزن

الخميس، 26 نوفمبر 2015 04:04 م

قلم وورقة - أرشيفية

مخنوق وكاره دنيتى
والدنيا مش هيا
مهموم وعايش وحدتى
ولا حد حاسس بيا
عمال ألملم دمعتى
والحزن ساكن فيا
وكل ما أقول انتهت
ألقـــى الـبـدايـه هيــا
أصحاب تقطع فروتى
ويـقـولــوا تـسـلـيـه
وياخدوا اللى يخصنى
واللى يخصهم مش ليا
تايـــه فى دنيا البشر
وتعبـتـنـى رجــلايــه
كل ما أحاول يوم أقف
تيجينى الضربه مخفيه
ضربه بتقــتل م الوجع
وكأنها هــــى
طمـعانه فى كل الألـم
وقـاصـده العذاب ليا
مخنوق أنـا م البشر
وكل اللى غدر بيــا
أنا اللى بحصد شوك؟
وأنا زارع الورد بإديا
ولإمتى هفضل حزين؟
والدمعه فى عنيا !!!
يا رب وأنت الكريم
الطف بقا بيا