"سالى" من شبرا: كبرت واتجوزت وخلفت ومسجد "الرحمن" لسه بيتبنى

قطعة من تركيا على أرض مصر، تحديداً فى منطقة "شبرا المظلات"، متمثلة فى مسجد الرحمن الذى أخذ تصميمه من مسجد محمد الفاتح فى أسطنبول ويتجاوز "القلعة" من حيث حجمه المهيب، لكنه لا يزال تحت الإنشاء منذ 14 عاماً!.

عدد كبير من سكان المنطقة قضى طفولته كاملة وهو يشاهد المسجد يعلو مترا فوق متر، وكبر وتزوج وفتح بيتاً ولا يزال بيت الله مغلقا فى انتظار اكتمال بنائه.
المشكلة التى تواجه "مسجد الرحمن" يعلن عنها عبر لافتة خضراء يشرح فيها لأهل الخير حاجته إلى التبرعات سواء بالمال أو بمواد البناء ليصلب طوله فكما يوضح "سيد أحمد" أحد حراس المسجد " لما بيكون فيه فلوس فى صندوق المسجد بنستأنف أعمال البناء ولما الفلوس بتخلص، التجهيزات بتتوقف، من سنة 80 وإحنا على الحال ده، المسجد بقاله 14 سنة بيتبن".

القائم على المسجد هو الشيخ حافظ سلامة قائد المقاومة الشعبية فى مدينة السويس الباسلة كما ينوه حارس المسجد، ويفتخر "الشيخ حافظ سلامة أخذ تصميم المسجد من مسجد محمد الفاتح فى أسطنبول وهيبقى فيه- إن شاء الله- دورين مستشفى و5 أدوار معهد دينى ودار مسنين وحضانة ودار مناسبات".

بالتبرعات الذاتية تم تشطيب المعهد الدينى كما أشار الحارس ولكن باقى ملحقات المسجد مازالت تحتاج إلى أهل الخير.

"سالى محمود" واحدة من أبناء المنطقة منذ مراهقتها وهى تشاهد أعمال البناء فى المسجد وتقول بابتسامة مستعجبة "كبرت واتجوزت وخلفت والمسجد لسه بيتبنى!".

متابعة "أهل المنطقة بيساعدوا فى بناء المسجد باللى ربنا يقدرهم عليه بس حجمه الضخم فوق طاقتهم، رغم أن كتير من أهل المنطقة اتبرع مرة واتنين وتلاتة وعشرة ومحتاجين أهل الخير من أماكن تانية يساعدوا معانا".