رواد الفيس: الإخوان لو حكموا 4 سنين.. "الكنيسة هتعمل رحلات حج وعمرة"

اشتعلت مواقع التواصل الاجتماعى بالتعليقات على دعوة الكنيسة الأرثوذكسية اتباعها للصوم نهار أمس الجمعة، تضامنًا مع المسلمين المتظاهرين فى الميادين، استجابة لدعوة السيسى، والإفطار فى المغرب مع دق أجراس الكنائس وقت آذان المغرب ليفطر الجميع، مسلمين ومسيحيين فى وقت واحد.

وقال المشاركون على مواقع التواصل الاجتماعى "سيشهد التاريخ أن الكنيسة دعت المسيحيين للصيام تضامنا مع المسلمين.. فى الوقت الذى دعت فيه جماعة الإخوان أعضائها بأن يفطروا، وقال آخر: "المسيحيين صايمين فى التحرير والمسلمين فاطرين بفتوى شرعية فى رابعة.. لو قامت القيامة لحشر المسيحى صائما والإخوانى مستهبلا!!"، و "سيذكر التاريخ أن الأقباط صاموا من أجل مصر.. والإخوان فطروا من أجل مرسى".

وجاء فى بعض التعليقات الساخرة "المسيحيين صايمين تضامنا مع المسلمين النهاردة.. ما كنا نفطر احنا تضامنًا معاهم !!"، و"طيب الإخوان فى الوطن المسيحين صايمين النهارده يا عينى ومالهومش ذنب، أنا شايف إننا نفطر بكره فداء الوحدة الوطنية"، وقال آخر "سنة واحدة فى حكم الإخوان خلت المسيحيين صاموا.. ولو كانوا كملوا الأربعة.. كانت الكنيسة حتنظم رحلات عمرة وحج".

فيما خصص المشاركون على موقع "تويتر" "هاشتاج" باسم "نصيحة للمسيحيين الصايمين"، تداولوا فيه عددا من النصائح للمسيحيين فى أول يوم صوم قالوا فيها "المسيحين اللى أول مرة يصوموا: ما تفطرش على مية كل تمر الأول"، و"إلى الإخوة المسيحين: لوحد شتمك.. ما تردش عليه.. قوله اللهم إنى صائم"، و"المسيحيين اللى صايمين النهاردة ﻣﺎ ﺗﺒﺼﺶ ﻓﻰ ﺍﻟﺴﺎﻋﺔ ﻛﺘﻴﺮ ﻭﻳﺴﺘﺤﺴﻦ ﺗﻘﻠﻌﻬا"، و"نصيحة لكل مسيحى صايم.. لوعطشان أوى اشرب واعمل نفسك نسيت.. كلنا عملناها واحنا صغيرين"، و"ما تقعدش تسأل كل شوية الساعة كام، خليك نايم من الفجر لحد المغرب".