عربة يد حديدية محملة بعظام المواشى المذبوحة حديثا، يجرها شاب بطول شارع السلخانة القديمة ويحط بحمولته أخيرا بجوار سور مستشفى 57357، تظن للوهلة الأولى أنها فى طريقها لتقدم كوليمة للكلاب الضالة لكن "أحمد زيدان" ناقل الحمولة ينسف ظنونك قائلاً: "بننقل العضم من المدبح فى البساتين، ومن محلات الجزارة عشان يتشحن ويروح مصانع الكمياويات اللى بتفرمه وبتعمل منه السكر"!.
يؤكد لك المعلومة الصادمة بما يملكه من خبرة طويلة فى المجال رغم سنواته العشرين، "العضم الجملى بيتعمل منه السكر الخشن التقيل، أما العضم البقرى فبيتعمل منه السكر الناعم بتاع الشاى".
قروش قليلة يباع بها كيلو العظم كما يقول "محمد عبد الباقى" أحد تجار العظام: "بنشترى الكيلو بـ30 قرش من أى حد عنده عضم خرفان أو عجول وبنبيعه للشركات بـ35 قرش، يعنى التاجر بيطلع له شلن، والهبرة كلها بتروح لأصحاب الشركات اللى بيصنعوا منه 11 نوع"، ويتابع شرح فوائد العظم الذى يزهده الزبائن "العظم بيدخل فى صناعة السكر والعلف والغرة والسبح والشحم والتحف وغيره، وبنتعامل مع شركات فى شبرا وقويسنا وإسكندرية طول السنة مش بس فى أوقات المواسم".
تجار عظم المواشى: العظام تدخل فى تصنيع 11 منتجا أهمها السكر
الإثنين، 14 أكتوبر 2013 04:29 م