المتحدث باسم نتانياهو يبدى إعجابه بـ"أنا سطرين" لفريق "أسفلت" المصرى

أبدى المتحدث الرسمى باسم رئيس الوزراء الإسرائيلى بنيامين نتانياهو للإعلام العربى أوفير جندلمان إعجابه بأغنية فرقة "أسفلت" المصرية لمطرب الرآب المصرى عمار يوسف، على صفحته الرسمية على موقع التواصل الاجتماعى الـ "فيس بوك" حيث قام ببثها على صفحته معلقا عليها قائلا: "أعجبتنى أغنية الرآب دى".

الغريب فى الأمر أن الأغنية تتحدث عن الثورة المصرية والشباب المصرى الذى ناضل خلال أيام الثورة لنيل مطالبه المشروعة وإسقاط النظام الفاسد الذى كان يسيطر على مقاليد الحكم فى البلاد، إلا أن المسئول الإسرائيلى قام ببث الأغنية على صفحته بصورة استفزازية وأبدى إعجابه به.

وتقول كلمات الأغنية: أنا ستيكر ملزوق عليه مين المقصود.. أنا عين بتشوف.. أنا لسان بيقول.. أنا ميكرفون يعلى بيه صوتك.. أنا سماعة تلغى بيها سكوتك.. أنا فكرتى عايشة و إسمى اتنسىزز أنا ضربة و جلدة و جسمى اتهرى.. أنا وش بيضحك غلاف كتاب.. أنا لسة كاتب لبكرة جواب.. أنا وسط البلد أنا قلبى اتولد.. أنا قلة عدد على كوبرى الأسد.. أنا خفة دم باسم يوسف.. أنا صورة جدى على فلوسي.. أنا السلمية بمفرداتها.. والحرية بمنشوراتها.. مش محتاجنى عشان تعبر.. أنا اللى اتقال بس إنت أكتر".


"أنا سطرين بتقراهم كدا على الصبح.. يسيبوا جوا منك شئ.. بقابلك ع الحيطان صدفه.. ف كل مكان و اى طريق.. انا الصوت اللى قال تغير.. انا رأيك انا فكرك انا التعبير.. انا روح راحت علشانك.. انا صوت واصل لمكانك.. انا عين بتشوف الظلم و ساكته بقالها كتير.. حواليك دايما تلمحني.. مش شرط انك تعرفني.. انا ايد بتساعدك توصل .. علشان احلامك تكمل.. أنا سكه هاتخدك ناحية نور و محبه و خير"

"أنا اللى ماكانشى ليا وجود و ظهرت.. أنا عَلَم بلدى فى إيدين أصحاب الأرض.. أنا صوت عود مش مبسوط.. أنا بيت شعر مش موجود.. أنا مزيكة سكوت.. أنا صندوق نعم و لا للتعديلات.. أنا دمعة كل أم ابنها مات.. أنا صوت تشجيع خارج من الاستاد.. أنا بوستر مترشح للانتخابات.. أنا تصريح على كلنا خالد سعيد.. أنا المظاهرة اللى قالت شعبى يريد.. أنا مانشيت أتكتب بالبنط العريض.. أنا خرطوش.. رصاص..مش هيفيد.. أنا "أسفلت" على تيشيرت أنت لابسه.. أنا كلام أنت كاتبه.. قول اللى حاسه.. أنا يافطة عليها"الشعب اختارك".. أنا محطة الشهداء بدل مبارك".