المستشارأحمد حنفى أحمد يكتب: مـــــا تيـــــجى نحســــــــبها

لما يكون موظف فى جهة حكومية بيقبض آخر الشهر مرتب خمسمائة جنيـه ونحن نعلم أن هناك من الموظفين الذين يتقاضون أقل من هذا بكثير ولكن على اعتبار أن ده هو متوسط المرتبات طب لو حب يصرف المرتب هنقول هيصرف مثلا مائة جنيه للكهرباء وخمسين جنيها للمياه ومائة جنيه مواصلات ومائة جنيه مصاريف للفطار هو وأسرته على مدار الشهر على اعتبار خمسة جنيهات فى اليوم، وكمان مائـــة جنيه للعشاء وثلاثمائة جنيه للغذاء على اعتبار عشرة جنيهات فى اليوم وشوية نثريات نظافة سلم ومصاريف قمامة وغيرهــا يبقى المجموع ستمائة جنيه بدون النثريات طب كده الميزانية باظت وكده الموظف ده يعمل إيه ؟ طب ممكن نقلل المصاريف شويه.

نقلل إزاى أما أحنا نسينا نحسب مصاريف التعب والمرض والأطباء وده محتاجة لميزانية أكبر من المرتب مرتين ونسينـــا نحسب مصاريف المساحيق وشراء الملابس ونسينا أن نحسب مدارس الأولاد ومصاريف المدارس والمدرسين الخصوصيين لأن المدرسين مبتديش حاجة فى الفصول علشان تدى دروس خصوصية وده كمان محتاج لميزانية فوق الميزانية أقصد فوق الميزانيتين مع أن أساس المرتب خمسمائة جنيه ولو حسبنا الميزانيات إللى فوق الميزانيات هنلاقى أن الموظف ده يحتاج أن يكون مرتبه على الأقل ألفا وخمسمائة جنيه طب يعمل إيه والحاجة كل يوم بتغلى وإحنا أكتر بلد عندها مواسم بتكلف شىء وشويات طب الموظف، لو أخد رشوة أقصد هدية أو فرضها على الناس هيتحول للتحقيق وهيتسجن ويضيع مستقبله هو وأسرته وبالنسبة للموظفين الذين يتقاضون مرتبات أقل من هذا بكثير ماذا يفعلون؟ يتخذون طريق الانتحار فهناك الكثير من سبقـهم لهذا الطريق طـب الناس ده تعـيش إزاى ؟ وتصرف منين؟.

ولو اتجــهـوا للطــرق الأخرى ستحاسبهم الدولــــة طب متيجى نحسبــها يا دولــة هو الدخل إللى بيجـى من المطــارات والموانىء والتأمينات الاجتماعية والبنوك والبورصــة والضرائب والجمارك والمستشفيات الحكومية والمصـانع والمـزارع وتصـدير الغــاز والمواصلات العامة والبترول بمشتقاته والذهب والفضة والحديد والسجـائر المحـلية والثروات السمكية والأسمنت ومشروع مترو الأنفاق والضرائب......... ................. وغيرهم دول بيدخلوا مليارات فوق مليارات من الجنيهات يوميا هى الفلوس ده بتروح فين؟.

المسئولون هيردوا ويقولوا إحنا بنحاول أننا نسـدد ديون مصـر كلمة بنسمعـها من زمــان وحتى وقتنـا هذا ورد مش هينتـهى والديـون ولا بتسدد ولا بتنتهى بالعكــس كل يوم نسمع أن الديون على مصـر بتزيد طب فين الدخل لو المسئــولين خصصت الدخـل إللى بيدخل مصر من قناة السـويس فقط يوميا لسداد ديون مصـر كنـا سـددنا ديون مصـر من زمان.
طـب نحاسب الموظف الغلبــان ولا نحاسب البلد والاتنين هيطلعوا فى النهاية مضطريين الموظـف مضطـر يسـرق ويرتشى ويخلص الشغل لليدفع أكتر علشان المرتب مش نافع وهذه إحدى مسببات الفوضى فى المصالــح الحكومية والدولــة مضطرة أنها تضــيق الخناق على الشعب لتسديد الديون والاتنين كدابــين أصل الموظــف بيسرق علشان معندوش ضمير والدولة بتسرق علشان مفيش ضمير فتقوم الدولة تخنق الشعب علشان مش قادرة تغطى احتياجاته ونسيت أن الشعب مات من زمان.

ولمــــا حال الدولة كده إذا فماذا يفعل الموظف المطحون؟.
والدولة لما بتحاسب الشعب على أخطائه وعمالة تضيق عليه الخناق يبقى المفروض أن الدولـة ترفع المرتبات وتقلل الأسعار لتحسين دخل الناس علشان تعرف تحاسبهم وبدل منحاسب الموظفين الغلابة نحاسب الناس إللى بتعمل أفراح أبنائها بالملايــين أو بمعنى آخر إللى بيسرقوا أموال الغــــلابة علشان يعرفوا يتمتعوا ونقولهم من أين لك هذا؟
(فى النهاية بلاش نحسبها أصل الغلابة ماتت من زمان من كتر مالدولة بتخنقهم فمش هتلاقى حد يحسبها).