فيسبوك
واتساب
فى صورة جميلة
مرسومة على ورقة بردى
بتحكى حكاية المصرى
بص عليها العالم كله
وقف مشدود! مذهول! مجذوب!!
ورسم جنب الصورة
الف صورة وصورة
بتحاكى صورة المصرى
وتقول للعالم كله
دى حدوتة المصرى
لكن وبعد سنين
شقا وذل وحزن وانين
بهتت الصورة
وصارت للمصرى صورة جديدة
بحكاية جديدة
احداثها كئيبة
مرسومة بدم المصرى
وتراب من ارض الدلتا
معجون من نهر النيل
بص عليها العالم
مشدود! مذهول! مجذوب!!
ورسم الف صورة وصورة
تحاكى صورة المصرى
وتقول للعالم كله
دى كانت حدوتة المصرى
