منصور غمرى أبو خشبة يكتب: دعاء الأم لأبنائها

ربنا يبعد عنكم الأشرار ........ ويجعلكم فى كل خطوة دولار
ويجعل أعمالكم كلها حسنات ........ ويكفيكم شر شهادة المخالفات
ويحوش عنكم كل الشرور ........ ويكفيكم شر كمين المرور
ويكون لكم دايماً فى العون ........ ويكفيكم شر فاتورة التليفون
ويجعل لكم كل الناس حبايب ........ ويكفيكم شر بتوع الضرايب
ولا يجعل عيالكم محرومة ........ ولا يخيبكم خيبة الحكومة
ويجعل أصحابكم كلهم إخلاص....... ويكفيكم شر سواقين الميكروباص
وينور طريقكم البركات ....... ويكفيكم شر الحفر والمطبات
بدعيلكم وبدعى لكل أولادى ....... يكفيكم شر الركود الاقتصادى
ويكتر فى جيوبكم النقدية ........ ويرحمكم من شر الدروس الخصوصية
ولا يحرمكم من أكل الفول ....... ولا يخرب بيتكم بفواتير المحمول
بدعيلكم فى الأيام الجاية ....... يبعد عنكم الضرايب العقارية
هوصيكم وصية فى الأيام ....... خدو بالكم من غدر الدنيا
حوصيكم من بعيد ....... متركبوش قطر الصعيد
بدعيلكم وأنا نايمة ....... يكفيكم شر الانتخابات الجاية
بدعيلكم والدعى منى هدية ........ أوعوا تهاجروا هجرة غير شرعية