محمد الحفناوى يكتب: بعد نجاح أبو الليف أبو شادوف فى الطريق

أخونا أبو شادوف قاعد يفكر حيقضى بقية يومه إزاى، وهو معاه نصف جنيه، ويوميته كلها عشرين ج وعنده 6 أولاد يعنى أيامه طويلة وهو زهقان، فتح التلفزيون لقى إعلان لمطرب اسمه أبو الليف، والسى دى مكتسح الأصوات، ودلوقتى بقى اسمه ألبوم يعنى زى نعيق البوم، بمعنى انه مش مشكلة إذا كان صوته كويس، المهم أنه يكون أهبل، فوقف أمام المراية يعمل حركات بهلوانية ويتنطط المهم راح لعم حبلص اللى عالقهوة قاله اناحسيت ان انا مترب فقاله طيب ماتجى االفلك كام اغنية وعم شمندى يلحنهالك طيب يلابينا ياعم حبلص نبدأ .

طبعا انتوا عارفين يعنى ايه مترب يعنى عليه تراب ولازم يتنضف فراح وكالة البلح اشترى كاتم قميص مشجر وبنطلون اخضر وقميص احمر وكرافتة هافان وقعد مع عم حبلص وبدأواالهوس اولمطلع ايه رأيك ياابوشادوف
اناابوشادوف ..مش حلوف
افطر فول.. واتعشى خروف
اجرى وانط ..ومش باشوف
يلا سقفة ونطة للجروف
وعم شمندى مسك الكلام نفضه وشلفطه اكتر ماهو وقاله كلام مفيش زيه والالبوم مفيش حد يلمه مسك كام عيل حله وملاعق واطباق ويخبطو ا خبطة وابوشادوف ينط نطة وجت مرات ابوشادوف وفى ايدهاكبشة انت فين يامنيل قالها استنى يااكا اناباحفظ اللحم الجديد معقول انت جبتلها لحمة؟ قالهالحم ياجاهلة لحم الاغنية طيب والعيال حياكلواايه النهاردة قالهااستنى شهراوشهرين اصبروا لحد مااخلص الالبون والقشية حتبقى معدن ياراجل يامجنون شهرولاشهرين العيال يموتوا ده انت نهارك اسود وجرت وراه وورا عم حبلص وعم شمندى وهات ياضرب بالكبشة وهمايجروا لحد ماتعبت وهما الدم سايل من جسمهمم عم حبلص قاله وهو مجروح الوحى بأغنية بالمناسبة التعيسة دى قاله ابوشادوف سمعنى سمعنى
قال حبلص
يامراتى يامدشدشانى وملخبطة كيانى
خليتى قلبى كفتة وضاجن فى الصوانى
فشفشتينى بالكبشة وانابرضه حاغنى تانى
الدنياهاصت وابوشادوف صقف وعم شمندى نط من مكانه وقاله ايه الحلاوة دى داحناحنكسر الدنيا ونزل الالبوم والناس مشغلة الاغانى والهلافيت متكيفين وفرحانين وعم عجورة القهوجى ماسك الصينية بترقص فى ايديه من الانسجام وللاسف الفضائيات عاملة جلجلة وصهللة بمولد بأف جديد اقصد نجم جديد والفلوس جرت فى ايدابوشادوف والبرامج شغالة عليه استضافة وجارر وراه عم حبلص المؤلف.. وعم شمندى الملحن والمذيع يسأل ابوشادوف انت كنت فين من زمان قاله انا من 45 واناباحضر للالبوم وكنت بادورعلى نفسى لحدمابصيت فى المراية ولقيت نفسى ولماجتنى ((نيلة قصدى فرصة مسكت فيهابايدى ورجلى علشان ماتضيعش اناصاحب رؤية جديدة سعيدة حميدة.

سأله المذيع وايه هى الرؤيا قاله ان الاورج والجيتار مالهمش لزمة كفاية عليك حلتين وكام معلقة وشوية عيال ونستغنى عن التخت ونوفر الفلوس الكتير اللى بنستهلكها.

والناس حتسمع حتسمع والمواطن المصرى محتاج يسمع كلامى وكفاية يشوف وشى عالشاشة وحايقابلنى بكل بشاشة وحاعمل نيو ستوك اقصدنيولوك حاعمل جناب شعرى ضفاير وحابرم شنبى زى السجاير واجيب حتة قماش الفهاعلى وسطى علشان يبقى شكلى تحفة وهنيئاللشعب المصرى البومى ده والبومى القادم وبعدالقادم ولاعزاء للفن الاصيل والطرب الجميل مع ابوشادوف وابوخروف وابواللوف وأهلا وسهلا بالحلوف.