ساموزين: العلمين أحسن رملة فى العالم ورديت على الحملات بصورتى من غير جمهور

قال الفنان ساموزين، إنه حرص على نشر صورته من غير جمهور تماما من حفله بمدينة العلمين، كرد فعل ساخر على محاولة تشويه صورته بفبركة صورة أخرى له بالذكاء الاصطناعى، حيث أوضح أنه رد بنفس طريقة الحملات الممنهجة ضده.

وعلق ساموزين في مداخلة هاتفية لتليفزيون اليوم السابع، قائلا: "مستغرب من تحويل الموضوع لشكل ومحاور جديدة وطريقة كلام جديدة.. أنا مش عارف إيه السبب وإيه المطلوب من اللى بيحصل ده.. فحبيت أرد على الكلام ده بصورة مختلفة وعملت صورة بدون جمهور خالص.. ياجماعة ماكانش فيه حد موجود أساسا.. أنا مع الرملة.. رملة العلمين دى أحسن رملة في العالم".

وتابع ساموزين حديثه لتليفزيون اليوم السابع قائلا: "كل الاحترام للجمهور والناس المحترمين اللى حضروا واللى جايين بدعوات خاصة، لإن دى كانت حفلة خاصة VIP مش عارف اللى عملو كدة عايزين يوصلوا لفين.. وأصحاب المكان موجودين وإعلان الحفل كان منتشر جدا.. دى حفلة خاصة مش حفلة عامة مفيهاش تذاكر.. المكان بتاعهم.. الأوبيننج بتاعهم والمكان كان واسع جدا وفيه ناس كتير".