نبيلة عبيد: لما كنت اشتغل مع مخرج وأسيبه شوية يقولى "وحشتينى قدام الكاميرا"

أكدت النجمة نبيلة عبيد أنها عملت على مدار مشوارها الفنى مع عدد كبير من المخرجين المنتمين لمدارس فنية مختلفة، موضحة أنها دائما كانت تنوع أدوارها بالتعامل مع مخرجين مختلفين.

وقالت النجمة نبيلة عبيد فى مداخلة هاتفية لتليفزيون اليوم السابع: "كنت دايما لما اشتغل مع مخرج وأبعد عنه سنة أو اتنين، وأروح لمخرج تانى وبعدين أرجعله زى مثلا حسين كمال كان دايما يقولى وحشانى قدام الكاميرا.. أكون مثلا عاملة معاه فيلمين، وأروح اشتغل مع المخرج على عبد الخالق أو المخرج عاطف الطيب يرجع يقولى أيوة كدة وحشتينى قدام الكاميرا".

نبيلة عبيد: حياتى واهتماماتى كلها كانت للفن وسعيدة بمتابعة أفلامى لحد النهارده

أكدت النجمة الكبيرة نبيلة عبيد أنها أعطت حياتها واهتماماتها على مدار عقود طويلة للفن، حيت لم يكن لديها أي شيء آخر يشغلها غيره، وقالت عبيد في مداخلة هاتفية لتليفزيون اليوم السابع: "أنا كنت مدية كل حياتى واهتماماتى بالشغل أنا معنديش حاجة تانية.. وده حتى اللى حاصل في "يا ابنتى لا تحيرينى معك"، الذى أعود من خلاله خلال الفترة المقبلة للإذاعة".

وأضافت عبيد لتليفزيون اليوم السابع قائلة:" أنا سعيدة بإن الجمهور بيتفرج لحد النهارده على أفلامى، وده الحمد لله بسبب كل المجهود اللى قدمته".

وتابعت عبيد فى حديثها لتليفزيون اليوم السابع قائلة: "الناس هتتفاجئ بالقضية اللى بنطرحها فى مسلسل "يا ابنتى لا تحيرينى معك"، وهتقول ده فعلا اللى بنشوفه دلوقتى.. المشوار بتاعى من بداياتى ده بيطمنى جدا إن أنا طول الوقت حريصة على ده".