انبهاره بالأصلى دفعه للإبداع.. يوحنا ينحت كرسى توت عنخ آمون من الخشب

حرص السياح من كل مكان على الذهاب إلى المتحف المصرى الكبير لمشاهدة مقتنيات الملك الذهبى توت عنخ آمون من قناعه الشهير ومقعده الغنى بالتفاصيل الفنية المميزة والتي لا تقل إبهاراً عن قناعه، مما دفع يوحنا فكرى إلى نحت مقعد يشبهه ولكن من الخشب.

يوحنا ينحت كرسى توت عنخ آمون من الخشب

تحدث النحات يوحنا فكري من محافظة قنا مركز نجع حمادي والحاصل على دبلوم زراعة عن رحلته مع النحت ولماذا فكر في نحت مقعد الملك توت عنخ آمون، حيث قال لـ"اليوم السابع": "حكايتى مع النحت بدأت من زمان، وأتذكر وأنا تلميذ في إعدادى نحت وردة على الخشب ومدرس التربية الفنية عجبته وفضلت أحب الرسم والنحت لكن مكنش عندى أى فكرة عن الشغل ده بدأت بالزخرفة أو الحفر على الخشب ومكنش عندي فكرة عن أدوات الشغل وكنت بعمل الحفر بأزميل النجارة العادي ورغم إصابتى من 4 سنين في إيدى بسبب ماكينة إلا أنى لسة بنحت وبطور شغلى".

وأضاف "بعدين سمع عنى راجل من دمياط وبعتلى عشان يشوف شغلى وعجبه ونزلنى عنده لحد ما اتعلمت أزميل واستخداماته وطورت شغلى وبقيت بنحت على الحجر لكن مش متمكن لأنى معرفش معلومات عن أدوات الحجر وبعدين حد طلب منى شغل فرعونى على الحجر وعملت كم حاجة، وأنا بتفرج على افتتاح المتحف المصرى الكبير كنت مبهور بكل حاجة شوفتها وبعدين طلب منى عميل اعمل كرسي شبه كرسى الملك توت عنخ آمون".

وتحدث يوحنا عن تفاصيل نحته لكرسى الملك توت عنخ آمون، حيث قال: " حت كرسى شبيه بكرسى الملك توت عنخ آمون أخد منى أسبوع دراسة بس الحمد لله بعد 3 شهور عملته من خشب شجر بلدي اسمه كايا، وإن شاء الله ناوى الفترة الجاية أعمل تماثيل فرعونية كتير من الخشب".

أحد تفاصيل الكرسى

الكرسى من الخلف

الكرسى من جانب آخر

الكرسى

تصميم يوحنا فكرى

كرسى تصميم يوحنا

يوحنا فكرى بجانب المقعد