فيسبوك
واتساب
"الله ينور"، "هو فيه كده.. إيه الجمال ده"، وغيرها من تعليقات رواد مواقع التواصل الإجتماعى الذين أشادوا بتصميمات قطع أثاث الأرابيسك التي من تصميم النجار محمد رمضان، وساعدوا في نشرها على الصفحات معبرين عن فرحتهم بأن مازال حتى الآن من يسعى لاستمرار هذا النوع من الفن في ظل تطور التكنولوجيا وانتشار قطع أثاث يشبه الديكورات الغربية .
"محمد" يعيد أمجاد الأرابيسك بورشته الصغيرة ويعلمه لأطفاله
وتحدث النجار محمد رمضان البالغ من العمر 43 عاماً، لـ "اليوم السابع"، عن عمله في فن الأرابيسك، حيث قال :"أنا نجار عربي وبشتغل في المهنة دى من سنة 1996، واشتغلت في جميع كل ما هو يخص مجال النجارة العربي والأرابيسك والتطعيم واتعلمت الصنعة فى مصنع لحد ما فتحت ورشة صغيرة ليا تحت بيتي، وبحاول أعلم الشباب اللي معايا وأولادي الأرابيسك عشان أرجع مهنة النجارة العربية تانية زى زمان ".
تابع :"عندى ثلاث أولاد هما عمر ومعاذ وسلسبيل وحابب إن شاء الله يتعلموا تعليم يناسب العصر بتاعهم وأما بالنسبة للصنعة فأنا معايا شباب بيتعلموا معايا وبيروحوا مدارسهم لأن الصنعة دى في الأساس مرتبطة بالتعليم".
وتحدث محمد عن الصعوبات التي يواجهها في عمله وعن نوعية زبائن الأرابيسك قائلاً :" كل مجال وله صعوباته، والمشاكل اللى بتقابلنا هي الخامات أحياناً بتبقى غالية غير كمان الوقت وإرتباطنا بتسليم الشغل في يوم محدد، و زبائن الأرابيسك كتير ومن دول عربية كمان لسه فيه ناس بتحبه وبتقدره".
وختم محمد حديثه معبراً عن حلمه الذى يسعى لتحقيقه، حيث قال :"بحاول أرجع مهنة النجار العربي زي ما كانت زمان في مصر وفي البلاد العربية في ناس كتير بتحب الشغلانة دي وإن شاء الله مصر ولاده وهترجع المهنة تاني زى الأول وأحسن كمان".
أحد أعمال محمد
اعمال محمد
محمد أثناء عمله
محمد بجوار أعماله
محمد داخل الورشة
محمد داخل ورشته
محمد رمضان
محمد
