أول فريق مصري لتعليم رسم وكتابة المانجا: حلمنا نعمل أنيمي ينافس اليابان

رسم المانجا هو أسلوب فنى  يابانى يستخدم لرسم القصص المصورة ويتميز بشكل خاص عن غيره من أنماط الرسوم، رغم إن صناع هذا الفن  من اليابان، ولكن هناك فريق مصرى استطاع أن يبحث ويدرس ويعلم عدد كبير من الأطفال والشباب فن رسم المانحا ويبدعون فيه بأفكارهم المميزة وهم فريق كاريير واى.

وقالت روضة أشرف واحدة من أعضاء فريق "كاريير واى" لـ"اليوم السابع"،" فريقنا مكون من مجموعة من الشباب تتراوح أعمارنا من 20 لـ 35 سنة  ما بين مهندسين وفنانين ورسامين وكتاب قصص، الفكرة بدأت مع زميلنا المهندس أحمد عبد الحميد وهو مؤسس الفريق، قرر ترك عمله ويمشي وراء حلمه وشغفه فقرر إنه يتعلم فن رسم المانجا وهى تعتبر أول مرحلة في صناعة الأنمي وهي صناعة القصص المصوره في اليابان"، وقرر عمل فريق ليعلم الكبار والصغار هذا الفن، ومن هنا بدأنا نتجمع وكان فيه ناس كتير حلمهم زى حلمه ومنهم أنا وهما اختارونى فى الفريق لإنى بحب الرسم وهوايتى المفضلة علاوة على أننى معيدة فى الجامعة وعندى خبرة فى تدريس الرسم وبدأ يعمل لنا تأهيل ودراسة مناهج من برا مصر وترجمتها، ومع الوقت الفكرة بدأت تتعرف".

وأضافت" نوع الفن اللى بنقدمه بدأ ينتشر وبدأ يخرج ناس من التيم عندنا ويعملوا مشاريع فعليه وبدأو يشاركو في معارض زي كايرو كوميكس وغيرها، والفكره بدأت تطور لما بدأنا نشتغل عليها بشكل أكاديمي عملي وننفذ مشاريع علي أرض الواقع مع الناس المهتمه بنوع الفن ده.

وتابعت،"احنا أول فريق فى مصر لتعليم فن رسم وكتابة المانجا وحاليا قدرنا نخرج أكتر من 300 رسام علي الفن ده ما بين أطفال وكبار، ونفسنا نخرج عدد رسامين أكتر وننشر الثقافه دي وحلمنا اننا نعمل أنيميشن مصري 2d مصري بالكامل بفنانين مصريين ينافس اليابان وأمريكا وغيرها من الدول اللي بتهتم بالنوع ده من الفنون ، عندنا في مصر كتاب ورسامين ومحركين انيميتورز  لو قدرنا  صح هنوصل لحلمنا ،وهنحقق فيه حاجه عالمية".

رسم المانجا

رسومات مانجا

رسومات

رسم

فن المانجا