أحمد فايق: الدول الغربية المتسبب الأول فى التغيرات المناخية و"النامية" تدفع الفاتورة

علّق الإعلامي أحمد فايق على الزلازل التي شهدها البحر المتوسط خلال الفترات الماضية، وما تم تداوله من قبل البعض، بعدما وقعت تلك الزلازل.

وقال "فايق" خلال برنامج "مصر تستطيع" الذي يذاع على قناة "dmc": "خلال الفترات اللي فاتت، الكل تابع كمية الكلام اللي خرج حول ما يحدث في البحر المتوسط، وهل أصبح منطقة زلازل، والحديث عن منسوب مياه البحر، وبالطبع جزء من هذا الكلام خيال علمي، وجزء آخر من الممكن أن يكون له أصول علمية".

وتابع: "طبعا حضراتكم بتسمعوا كتير جدا عن التغير المناخي في العالم، وده كلام علمي مظبوط مفيش كلام فيه، وده له آثار سلبية، واحنا بنحاول نكتشف طول الوقت مدى تأثير التغيرات المناخية اللي بيشهدها العالم".

وقال: "اللي الناس مش بتشوفه في وسائل الإعلام الغربية، إن المسئول الأول عن تغير المناخ في العالم هي الدول الغربية، وأكثر دولة تلوث البيئة هي بريطانيا، والدول الغربية الأخرى لها تأثير كبير في التغيرات المناخية".

وأضاف: "دائما الدول النامية هي اللي بتشيل أخطاء العالم الغربي في التعامل مع المناخ، وبغض النظر عن الكلام ده احنا بندور ونشوف الحقيقة فين، لأن في ناس بتقول إن اسكندرية ومدن إيطالية تانية هتغرق بكرة، وده كلام مالوش أي أساس علمي".