سميحة أيوب فى لقاء سابق لـ"الستات": عائلتى كانت ضد التمثيل وغيرت اسمى.. فيديو

عرض برنامج "الستات مايعرفوش يكدبوا" المذاع على قناة سى بى سى، لقاء خاص سابق بين الإعلامية هبة الأباصيري والراحلة الفنانة القديرة سميحة أيوب.

وقالت الراحلة سميحة أيوب، إن "فترة التربية فى شبرا ومدرسة الراهبات وتعلم اللغة الفرنسية لم تكن كافية كى تؤثر على تكوين شخصيتى، لأنى التحقت بمعهد الفنون المسرحية وعمرى كان وقتها 14 عام، لكن الحياة هى اللى كونتنى".

وأضافت سميحة أيوب:"عائلتي كانت ضد مهنة التمثيل وغيرت اسمي مرتين، وقلت "يتفلقوا" ومتفلقوش وحبوا يكسبوا ودى بعدها، وأنا كنت شايفة إني مش بعمل حاجة غلط وبقدم عمل محترم، وبحترم عملى، واللى بقدمه فيه توجيه، وانا مؤمنة بيه وعمل جميل، والنص اللى بقوله بينفع وينور الناس".

تابعت :"اجوزت وعمرى 15 سنة، ودى مراهقة، وأنا لما اجوزت الفنان محسن سرحان كان كل البنات عينها عليه وميتة فيه، وهو اختارنى فقلت خلاص هاخده وأنا لما قلت الكلام ده وتم نشره كان عندى كبرياء وقتها وإحساس بالذات".