مصطفى غريب: واحنا صغيرين كنا أشقيا أوى وكنا بناكل حتى لو شبعانين

قال الفنان مصطفى غريب انا كنت شقى جدا وكنت باكل كتير وفى الفترة دى كانت اى فرصة بتيجى للأكل بناكل حتى لو شبعانين مش عارف ليه، وليا أخ واحد أكبر منى بـ6 سنوات وكانت مدرسة بتعامل طلبة كتير وكلهم كانوا شطار ماعدا واحد صاحبى جاى فشلت معاه بكل الطرق، وهو دلوقتى ناجح في حياته.

وأضاف خلال لقائه ببرنامج صاحبة السعادة مع الفنانة إسعاد يونس المذاع على قناة DMC  : جبت 93 % علمى علوم ومالحقتش كلية الطب فكان ممكن اخش علوم والكل قاللى صعبة في واحد قريبى قاللى في كلية اسمها ثروة سمكية بتطلع "قبطان" كلية حكومة ورحت قدمت وكانت بتاخد من 90 % وليا أصحاب كثير من الثروة السمكية.

وتابع: قعدت سنتين في كلية الثروة السمكية وما كنتش بفهم حاجة خالص في المواد وماكنتش بحب السمك في الفترة دى، وبدأت أمثل في قصور الثقافة في السويس وكان في الفرق القومية هناك وكان في احتفاليات كثيرة في السويس، وعشنا مغامرات شقة الطلبة كنا 12 في شقة واللى كان بينام جنبى على السرير بيفضل ثابت طول النوم.

وأكمل: لما بدأت اسمع معهد فنون مسرحية افتكرته تنسيق وكده ما كنتش اعرف انه بالتقديم قدمت في المعهد ونجحت وهنا كان في انقسام في البيت كانوا عاوزينى أكمل الكلية وأبقى قبطان ونجحت في اختبارات القبول في معهد التمثيل وبعد العرض الثانى مكانش في عمل بفوته وبدأت ادخل في ورش الكتابة وكتبت في الفرح فرحنا وكتبت سيت كوم عراقى وملوك الجدعنة لحد ما عملت دور مسلسل موسى ولكن السنادى اشتغلت شغلانة حلوة قوى بتدخلى فلوس كتير قوى بصلح لهجة فلاحى.