فيسبوك
واتساب
قال محمد عبد الوهاب حفيد هدى سلطان، إن كريم الحو ليس حفيد محمد فوزى، وأنه لا يعرفه من قبل، موجها رسالة له بأن عليه توضيح الأمر.
وأضاف خلال مداخلة هاتفية لتليفزيون اليوم السابع، "كريم الحو بيقول أنه حفيد محمد فوزى، أنا معرفش كريم، وفوجئت بمانشتات نازلة فى كل حتة بتقول أنه حفيد محمد فوزى، لكن هو في الحقيقة مش حفيده".
وتابع حفيد هدى سلطان، كريم صوته جميل ومعنديش مشكلة معاه، لكن المشكلة أنه مايقربش للعيلة.
وأوضح، الحو بالفعل عيلة جدتى وعيلة محمد فوزى فعلا، لكن هي عيلة كبيرة جدا، وكريم استغل اسم الراحل محمد فوزى، وده شيء ضايقنا.
وأضاف محمد عبد الوهاب، حفيد هدى سلطان، "انا عمرى ما قولت في حتة أنى حفيد هدى سلطان، وفريد شوقى، ولما بروح كاستنج بشتغل وبمشى والناس بتعرف بعدها، بعدين إزاى يقول إنه حفيد محمد فوزى وبعدها يغنى اه لو العبت يا زهر، مع احترامي الكامل لأحمد شيبه، وهو فنان له جمهور، لكن ده لون وده لون".
ووجه عبد الوهاب رسالة لكريم الحو قائلا "صوتك جميل اختار حاجة تليق بهذا الصوت ، وشوف محمد فوزى عمل ايه بالضبط واتعلم منه ومش عيب ان انت تطلع باسمك وبنفسك ، وأتمنى تطلع وتوضح وتقول انك مش حفيد محمد فوزى"
