فيسبوك
واتساب
أكد حازم إمام، نجم منتخب مصر والزمالك السابق، أن الجيل الحالي محظوظ بتواجد 48 منتخبا في كأس العالم في النسخة المقبلة، ولازم نستغل ده في الوصول للمونديال أكثر من مرة.
وقال حازم إمام خلال حواره في برنامج تأشيرة المونديال المذاع على قناة أون سبورتس: الجيل ده محظوظ بوجود 48 منتخبا في كأس العالم، ومن أول يوم واحنا حاطين نفسنا في صدارة المجموعة، حتى لو كانت سهلة لازم تستغل الأمور في الوصول لكأس العالم مرة واتنين وعشرة طالما تقدر.
وأضاف حازم إمام: حسام حسن أكبر ميزة عنده إنه مش بيخاف في أى مباراة وممكن يلعب بديفندر واحد ويهاجم بخمسة لاعبين، وعملها هنا كتير فمش مستغرب لو لقيته عامل كدة، وممكن يدى لاعب صغير وممكن يلعب لاعب مش بيلعب في ناديه، طالما هو شايف كدة هيحارب على وجهة نظره، والموضوع ده واخده من الجوهرى.
وتابع: الجوهرى كان عنده حسام حسن حاجة تانية غير أي لاعب، علشان كدة حسام حسن متأثر جدا بالكابتن محمود الجوهرى، زى أي لاعب تدرب مع الجوهرى وخاصة جيل 90.
