نادية أم مكلومة فقدت أطفالها الثلاثة.. اعرف التفاصيل.. فيديو

قدم تليفزيون اليوم السابع مقطع فيديو يرصد لقصة إنسانية لأم مكلومة فقدت أطفالها الثلاثة، بسبب أمراض وراثية وتحلم بفرصة جديدة في الحياة.

بين الدموع والأمل، تحكي نادية قصتها اللى تُوجع القلب وتُوقظ الإنسانية، بعد أن فقدت أطفالها الثلاثة بسبب أمراض وراثية، ورغم الألم اللى عصف بقلبها، مازالت تحلم أن تُصبح أمًا من جديد لطفل سليم معافى.

تقول نادية "نفسي في فرصة تانية.. "نفسي أكون أم تاني وأشوف ابني أو بنتي بين إيديا"، ورغم أنها أجرت التحاليل والفحوصات اللازمة، إلا أن تكاليف عملية الحقن المجهري ومعمل فحص الأمراض الوراثية تفوق قدرتها تمامًا.

تقول نادية والكلمات تخرج من فمها بطعم المرارة اتصلت بالعديد من الجهات، لكن الأبواب أُغلقت أمامها، لكن مازال الأمل هو آخر ما تتمسك به، ومع كل يوم بيعدي بيكبر في قلبها الخوف إنها ما تلحقش حلمها.

نادية مش بتطلب كتير 50 ألف جنيه فقط تكلفة العملية اللى ممكن تكون هي الفرصة الوحيدة اللى تخليها تحس إن لسه في قلوب رحيمة وتقدر ترجع البسمة لحياتها ورغم كل الألم اللي مرّت بيه، لسه عندها أمل.