فيسبوك
واتساب
قرر عريس فى الإسكندرية يحتفل بزفافه على طريقته الخاصة.. بس بدل ما يفرح ويفرح عروسته وأهله والناس، قرر يستعرض بسيارته الملاكى فى الشارع وكأنه فى سباق فورمولا.
فيديو الاستعراض انتشر على السوشيال ميديا، ووصل بسرعة الصاروخ للأجهزة الأمنية التى رصدت العريس وحددت مكانه، وبالفعل تم القبض عليه وإحالته للنيابة.
القانون واضح جدًا.. الاستعراض بالسيارات وتعريض حياة الناس للخطر ممكن يوصلك للسجن، ويخليك تفرح فى القسم بدل القاعة!.
وده طبعا طبقًا للمادتين 361 و375 مكرر (أ) من قانون العقوبات، يعنى بدل ما يبقى أول يوم جوازه ليلة العمر.. بقى ليلة الحجز.
