اختر المكان المناسب للأجهزة بمنزلك واتحكم فى فاتورة الكهرباء.. تفاصيل

يرصد اليوم السابع لقرائه بعض النصائح الهامة التى تساعد المواطن فى التحكم فى قيمة فاتورة استهلاك الكهرباء الشهرية ، ومن بين هذه النصائح هو اختيار مكان الأجهزة الكهربائية لتحديد كفاءتها و استهلاكها  ، وفيما يلي بعض النصائح التى تساهم في خفض قيمة فاتورة الاستهلاك:

1- ضع الأجهزة المنزلية بعيدا عن الشمس المباشرة للثلاجات والمجمدات، علشان الماتور ما يشتغلش زيادة.

2- غسالات الأطباق أو الملابس خليها في مكان فيه تهوية كويسة علشان السخونة والرطوبة تخرج بسهولة.

3- التكييف لازم يكون في مكان مظلل وبعيد عن أي مصدر حرارة، وتجنب تركيبه فوق الأجهزة الكبيرة اللي بتطلع سخونة.

4- أجهزة الصوت أو الإلكترونيات الحساسة يفضل تكون بعيد عن النوافذ أو مصادر الغبار.

-وقت التركيب:

1-سيب مسافة ماتقلش عن 10 سم خلف الأجهزة الكبيرة علشان التهوية.

2- في المطابخ، خلي بين البوتجاز والثلاجة على الأقل 60 سم، علشان الحرارة ما تأثرش على التبريد.

3- استخدم قواعد أو أرفف ترفع الأجهزة الحساسة عن الأرض لحمايتها من تسريب المياه أو الرطوبة.

4- لو المكان ضيق، خطط لترتيب الأجهزة بحيث كل واحد يشتغل بكفاءته بدون ما يعطل التاني.