قال مروان موسى مغني راب، موسيقي، كاتب أغاني، منتج موسيقي وممثل مصري، إحنا دلوقتى بنتهاجم وبعد 10 سنوات الجمهور هيعرف إن إحنا موجودين وممكن نهاجم الناس الجديدة، وإحنا أمر واقع والناس بتحبنا وبتسمعلنا".
وأكد مروان موسى، خلال حواره ببرنامج "ع المسرح"، مع الإعلامية منى عبد الوهاب، على قناة الحياة، عاوزين نفرح الجمهور ونعمل حاجة لأنى بمثل مصر دوليا، وبحاول المنافسة وعاوز الناس تساعدنى، وكمان فى أسماء كبيرة معدتش تقدم موسيقى زى الأول".
ولفت مروان موسى، إلى أن "الراب فى مصر هيواجه مشاكل كتيرة لأننا مبنحبش بعض، ولما بيحصلنا حاجة معينة مبنعرفش نتحد، تالبعض منهم شايف إنك منافش ومش عاوز يقعد معاك ويتحد".
وأكد مروان موسى، اللى بيقدم موسيقى للجمهور عليه دور كبير علشان يبهره، لإثبات أن الراب مميز، واحنا المجال اللى بيشتم واللى بيتريق على ده وده وكل ده بيرجعلنا واحنا فى لايف مع الجمهور".
وأضاف مروان موسى، لو كنت بغنى أغانى حب وكلام جميل هيعاملونى بحب، لكن الجمهور لما بيشوفنى بيفتكر التنمر والروشنة وبيدخل علينا وهو عاوز يروش علينا".
وذكر مروان موسى، لما بفتح لايف بلاقى الناس بتروش عليا، ومبردش على حد علشان مقفلش اللايف، موضحا أن الجمهور صعب فى مجالنا، والكبيرة عندنا أن إى حد يضحك الناس علينا"، وعن قول الفنان عمرو مصطفى بأن مغنى الراب بيشتروا الأغانى جاهزة رد:"كلام مش صح لأنه تعميم".
وقال موسى، أنا لما بعمل موسيقى بنفسى بحط فيه البصمة المصرية، ومصر فيها آلات وستايلات كتير وتراث كبير، ولا اعتقد أن الفنان عمرو مصطفى متقبل اللى بنقدمه".
ولفت إلى أن المطرب حميد الشاعرى مجدد صاحب مدرسة جديدة فهو متقبل ومتجدد فى نفس الوقت، وفى المقابل فى ناس بتحبنا ومش كله ضدنا، لكن فى عدد كبير ضدنا".
وتابع مروان موسى، نجاحنا دلوقتى إنننا متشافين من الشباب زى الشعراء، فمتقارنيش بمطرب قارنى بشاعر، واللى جاى يسمع جمل مش مزيكا، يسمع عن الحياة والمشاكل والألم والخوف مش عن الحب".
وأكد مروان موسى مغني راب، موسيقى، كاتب أغانى، منتج موسيقي وممثل مصري، أن معظم الناس شايفة إن الراب حرام وبيسمعوا مزيكتنا وشايفين إن ده غلط، لكن أنا شايف إن الحاجات المحرمة واضحة أكتر من كدة".
وأضاف مروان موسى، أن اللى بيقولوا إن المزيكا حرام مش موضح وهى لو محرمة كانت هتبقى واضحة وصريحة اللى هو الغنا والمزيكا حرام، وبحثت فى الأمر وجدت إن الحاجات المحرمة بتكون واضحة".
ولفت مروان موسى إلى أن نقابة الموسيقيين أكبر كيان يبيدعمنى فى مصر، وبعتبر المطرب مصطفى كامل نقيب الموسيقيين أخويا الكبير وممكن يوجهنى وباسمع ليه، هو مش عاوز يوقعنى وأكيد اللى بيقوله حاجة أفضل لى، موضحا أن تاريخ مصر فى الغناء قديم، وعايزين الناس تقربلنا وتفهمنا، واحنا بنعتمد كتير على الكتابة".
