فيسبوك
واتساب
أكدت الدكتورة سمر كشك، الاستشارية النفسية، أن الوقت قيمة كبيرة والله عز وجل يقسم بها في القرآن الكريم في آيات "والليل والفجر، والعصر" مما يدل على عظمة قيمة الوقت، قائلة: "كل حاجة معمولة بنظام ودقة شديدة لكن احنا اللي مش بننتبه من حكمة الوقت ووقت كتير بنضيعه".
وأوضحت سمر كشك، خلال تقديم برنامج "سلام نفسي"، على قناة الناس، أن الكثير من الناس يضيع الوقت في التفكير بأمور انتهت وعدم استغلال هذا الوقت في التعايش مع الابناء والأسرة، مضيفة: "في حاجات كثير مش بناخد بالنا منها ضيعناها في مشاكل وأمور بسيطة كان ممكن نتجاوزها وننسى وناس كتير بتقول كلام وبس والافعال مختلفة".
وتابعت: "هنتسأل عن الوقت يوم القيامة وما تم عمله فيه من إفادة الناس وعبادة ربنا وعليك تعبد ربنا بأنك ترفع الأذى عن الناس والكلمة الطيبة صدقة، وربنا اقسم بالوقت عشان يعلمنا أن الوقت مهم ومش لازم يضيع، وفي وقت كتير ممكن نعمله في حاجة عظيمة مش ايذاء أبناء أو جيران أو غيرهم"، مؤكدة أن الفتور يملئ البيوت الان لان كل واحد لقى ملاذه الخاص مع نفسه.
