استضاف محمود سعد خلال برنامج "sold out" فتاة تدعى "أيمان الله" التي هزمت مرض السرطان وأسست مشروعا غير مسبوق، أطلقت عليه "سفر الروح"، وروت خلال الحلقة تفاصيل رحلتها مع المرض قائلة: "وأنا في الثانوية تعبت شوية جالي دور برد في رمضان ولما عملت فحوصات لقيت عندى كانسر في المرحلة التالتة على الغدة الدرقية، ووقتها الأطباء قالوا لازم نعمل استئصال سريع ونشيل الغدة، وأنا لحد وقتها كنت الأولى وكنت عاوزة أأجل العملية ولكن منفعش".
وتابعت أيمان: "بدأت البروتوكول العلاجى المعتاد، وأخدت علاج بالإشعاع وكنت بذاكر في نفس الوقت، وخلصت ثانوية عامة وجيبت مجموع 96% ودخلت هندسة عين شمس، وكل ده حصل بمساعدة ربنا".
وأضافت أيمان: "بعد انتهاء علاجى بفترة بدأ يظهر عليا الاكتئاب لأن الغدة الدرقية لها أعراض نفسية وتوابع زى الوخم وزيادة في الوزن وانخفاض الطاقة، واتشخصت إن عندى اكتئاب وبتعالج منه إنى أخد أدوية، ومشيت على الدوا فترة لغاية لما الدكتورة قالتلى أوقفه، ولكن في مرة لما حصل مشكلة صغيرة ليا مع أختى لقيت نفسى مهيئة أعمل محاولة للانتحار وأخدت الدوا بكمية أكبر، ولما رجعت طلبوا منى أرجع آخد الدواء تانى، ولكن اعترضت وقررت أروح للدعم النفسي اللى بالمستشفى وكان من هنا كان العلاج بالبستنة وهو إنى أكون في مساحات خضراء ريفية، واللى هي السياحة الريفية منها تتفسح وتستشفى بنفس الوقت".
واستكملت أيمان: "مفيش سياحة ريفية ولا حد زارها قبل كدة، فقررت أصمم برنامج للريف، في القناطر وعملنا أول رحلة في حصاد الياسمين وبنطلب من المزارعين يعملوا فطار للناس وبشرح لهم كل حاجة وبنبدا نتجول وسط الزهور".
تم أضافة تعليقك سوف يظهر بعد المراجعة