الفنانة عائشة بن أحمد: "أنا خايفة من الزواج لأنه محتاج مجهود كبير من الطرفين"

كشفت الفنانة التونسية عائشة بن أحمد أن أحد أهم أسباب هدم العلاقات الزوجية أو الحب بين الطرفين هى عدم التواصل والعند، قائلة : "مشكلات هدم العلاقات سببها عدم التواصل والعند وأنك تبقى متخيل أن هذه الفتاة بتاعتك ومش هتطلع براك وأن بقائها مضمون أو العكس ".

وأضافت خلال لقاء عبر برنامج " كلمة أخيرة" على شاشة ON : "أى علاقة تحتاج لمجهود من الطرفين لكن فكرة الضمان وأنها بتاعتك وأن كل شيء هيمشى فيه استسهال فى كل حاجة أو مجهود مش هتكمل العلاقة والمجهود لازم يبقى متواصل ومن الطرفين ماينفعش نضمن وجود بعض ".

 وكشفت أنه لإيمانها الشديد أن الزواج يحتاج لمجهود كبير فإنها تخشى خوض التجربة لأنها لا ترغب فى أن تشعر بالوجع، قائلة : " أنا خايفة من الزواج لأنه يحتاج لمجهود وخايفة أتعب وأتوجع ومن شدة هذا الخوف خلانى إلى الآن مش متزوجة، ولو ظهر شخص يستحق وأنها تشعر أنها تحبه بشدة فقد تقدم على الخطوة ".

 وذكرت أن أهم مواصفات شريك حياتها أن يكون واعى ومثقف، قائلة : " يكون فاهم شغلى ويكون راجل واعى ومثقف وماينفعش أقعد معاه وأفرج على فيلم تعبت فيه وذاكرته وهو مش فاهمه لازم يكون فيه عمق.

ورداً على سؤال الحديدى لازم يبقى غنى ؟ قالت : " مش لازم يبقى غنى وأنا مش مادية عاوزاه فى نفس مستوايا عشان مايعملش مشاكل نفسية عنده، والست مش هتضايق لكن هو هيكون عنده مشكلة نفسية عشان كده عاوزاه يكون فى مستوايا "، موضحة أن أهم الصفات التى تكرهها فى علاقتها الإنسانية هى الكذب لافتة إلى أنه لا يوجد ما يسمى " كذبة بيضاء " لكنها تستطيع تفهم فكرة وجود سر فى حياة الإنسان لا يحب الحديث عنه وغير ذلك لا يعتبر حقيقياً".