تحدث الفنان أحمد آدم، عن عدد من الأخبار التي شغلت الرأي العام خلال الفترة الأخيرة، ولعل أبرز الموضوعات التي افتتح بها حديثه، أزمة لاعب منتخب مصر ونانت الفرنسي، مصطفى محمد، مع فريقه، واستغناء الفريق عن خدماته بنهاية الموسم الرياضي الحالي.
وقال أحمد آدم، خلال برنامج "آدم شو" الذي يذاع على قناة "الحياة": "كان هناك مباراة في الدوري الفرنسي، وكانوا عاوزين يلبسوه الشارة اللي فيها دعم حقوق المثليين، وقالوا ادعموهم لأنهم غلابة، جه درش بقى قالهم أنا مش لاعب معاكو ومش هحط الشارة دي على كتفي، وأنا حر".
وأضاف أحمد آدم: "جه الاتحاد الفرنسي لكرة القدم، قاله لا، أنت مش حر، مصطفى قالهم لو هنتكلم عن الحرية، فمن حقي أني أقبل أو أرفض، ولا هي الحرية على ناس وناس، أنا عاوز أفهم حاجة، هي الحرية دي بتاعت فرنسا؟ ما اللي يدعم يدعم واللي مش عاوز ميدعمش، لازم تحافظ على الحريات بكل شكلها".
وتابع "آدم"حديثه: "فريق مانشستر سيتي هو كمان طايح في الكل ومحدش عارف يوقفه، حسم الدوري الإنجليزي بعد الأرسنال ما فضل متصدر لحد الأسبوع الـ 30، بعدها السيتي اتحول لوحش بياكل أي حد قصاده، حتى لو كان ريال مدريد، يا عيني كسبهم أربعة".
واستطرد آدم: "بيقولك في تفاقم لأزمة الديون الأمريكية بعد إفلاس بعض البنوك، وتخوفات من عدم القدرة على سداد الديون في موعدها، إيه الحكاية، العم سام خلاص؟ بيفلس وهيبته راحت؟ الأزمة العالمية مخلتش بس هما السبب فيها".
تم أضافة تعليقك سوف يظهر بعد المراجعة