قدم أحمد رأفت، مذيع الشارع، حلقة جديدة مساء اليوم، الأربعاء، من برنامج "ناسها البسيطة" على قناة CBC، وتناول خلالها الحديث عن الفرق بين الحياة أيام زمان والوقت الحالي، وقابل "عم مرزوق" وتحدث عن متعة الحياة خلال فترة شبابهم وحب الناس.
وقال عم مرزوق: "الدنيا زمان كانت أحلى ودلوقتي كل واحد بقى بيقول يلا مصلحتني وكان الناس قلبها على بعضها ومحبة الناس كانت بتعمل بركة، وتعلمت الاحترام وتبادل الأدب والببعد عن الكذب وعدم الاقتراب من حاجة ناس وده اللي بنعلمه لغيرنا وأولادنا".
وأضاف: "جيل دلوقتي أخذ على العيشة المرفهة إنما جيلنا كان عايش في أيام صعبة، ووحشني في أيام زمان أهلي وأمي وابويا، ولمة الطبلية مع اخواتي ودلوقتي بقى كل واحد في وادي مع نفسه، وحب زمان كان فيه اخلاص انما دلوقتي حب مصلحة".
وأدخل مذيع الشارع أحمد رأفت، على ضيفه عم مرزوق حالة من البهجة والسرور من خلال بعض تحديات الألعاب، وفي النهاية أهداه عدد من الفوانيس ليفتح واحدا منهم فيجد مبلغا ماليا، وعبر عن سعادته بهذه الهدية في شهر رمضان المبارك.
من جانبه قال عم فتحى: "في حاجات كتير زادت قوي عن زمان وزمان كانت الحياة بسيطة ودلوقتى أولادنا عايشين في رفاهية وتغير الحال واحنا كنا سعداء زمان رغم بساطة الحال لكن دلوقتي أولادنا النت خدهم كتير".
واستكمل: "زمان كنا عايشين فى بيت صغير دلوقتي بيت كبير وزمان كنا عايشين في أوضة دلوقتي عايشين في شقة، وشقينا وتعبنا وأولادنا عايشين في حياتنا دي على الجاهز، وتعلمت من الحياة زمان النظام والتدبير وبنصح الشباب الجديد متخلفش كتير والخلفة الزيادة بتعلم تعب واجهاد للأب والأم".
وأوضح، أن أفضل العادات زمان كانت زيارة الأقارب والأهل وصلة الرحم، مضيفا: "زمان كان ليا زميل كان نفسي اشوفه قبل ما يموت وتأثرت به جدا ووالدتي ووالدتي وحشوني ولكن دي الحياة كل واحد له دور".
وفى وقت سابق تحدث برنامج "ناسها البسيطة" المذاع على قناة سى بى سى، والذى يقدمه أحمد رأفت حول مفهوم الحسد وقال عاطف، إن الحسد هو إن فى ناس تنظر لشيء مع ناس تانية وتحسده عليه رغم أن هذا الشئ موجود عندهم لكنها طبيعة فى البشر.
تم أضافة تعليقك سوف يظهر بعد المراجعة