فيسبوك
واتساب
قدم أحمد رأفت، مذيع الشارع، حلقة جديدة مساء اليوم، الأربعاء، من برنامج "ناسها البسيطة" على قناة CBC، وتناول خلالها الحديث عن الفرق بين الحياة أيام زمان والوقت الحالي، وقابل "عم مرزوق" وتحدث عن متعة الحياة خلال فترة شبابهم وحب الناس.
وقال عم مرزوق: "الدنيا زمان كانت أحلى ودلوقتي كل واحد بقى بيقول يلا مصلحتني وكان الناس قلبها على بعضها ومحبة الناس كانت بتعمل بركة، وتعلمت الاحترام وتبادل الأدب والببعد عن الكذب وعدم الاقتراب من حاجة ناس وده اللي بنعلمه لغيرنا وأولادنا".
وأضاف: "جيل دلوقتي أخذ على العيشة المرفهة إنما جيلنا كان عايش في أيام صعبة، ووحشني في أيام زمان أهلي وأمي وابويا، ولمة الطبلية مع اخواتي ودلوقتي بقى كل واحد في وادي مع نفسه، وحب زمان كان فيه اخلاص انما دلوقتي حب مصلحة".
وأدخل مذيع الشارع أحمد رأفت، على ضيفه عم مرزوق حالة من البهجة والسرور من خلال بعض تحديات الألعاب، وفي النهاية أهداه عدد من الفوانيس ليفتح واحدا منهم فيجد مبلغا ماليا، وعبر عن سعادته بهذه الهدية في شهر رمضان المبارك.
