جلست شهرزاد بجوار زوجها شهريار وهى تشعر بالحماس والشغف وتستعد لتحكى له حكاية جديدة من حكايات سندق وبندق، وقالت له:" بلغنى أيها الملك السعيد، ذو الرأى الرشيد، أن سندق وبندق كانا يجلسان بجوار بعضهما على الأريكة فى منزلهما أثناء مشاهدتهما لفيلم عربى، وبينما هما يتابعان الأحداث باهتمام، قال سندق لشقيقه بندق:" الراجل البلطجى ده جدع أوى وشجاع وأحسن من سوبر مان نفسه، أنا نفسى أعمل زيه كده وألبس ملابسه وأعمل تسريحة شعره وأمسك سكينة وأمشى فى الشارع والناس تخاف منى".
شهرزاد تحكى لشهريار
شعر بندق بالغضب من شقيقه سندق ونظر له قائلاً :" ياسندق ده بلطجى والفيلم بيعرضه كنموذج سىء فى المجتمع ونهايته بتكون وحشة وكمان الناس بتكرهه و كمان دور الفن إنه يعرض لينا الوحش والحلو فى المجتمع وبيحذرنا من اتباع الشر لأحسن تكون نهايتنا وحشة زى نهاية الشرير وبيأكد علينا إننا نكون طيبين عشان نبقى محبوبين بين الناس ".
و أكمل بندق حديثه قائلاً :" فاكر عم صلاح اللى كان بيضرب الرايح واللى جاى كان مكروه قد إيه من الناس، لدرجة إنهم فرحوا إن البوليس قبض عليه وخلصهم من شره ".
سندق وبندق والبلطجي
شعر سندق بالخجل و رد على بندق قائلاً :" أه فاكر.. بس أنا عايز أكون شجاع والناس تخاف منى".
رد عليه شقيقه بندق قائلاً :" أن الناس تخاف منك دى مش حاجة كويسة ياسندق، وبعدين ديننا وأخلاقنا الجميلة اللى أتربينا عليها فى مجتمعنا بتمنعنا من إيذاء الآخرين وبث الرعب فى نفوسهم، وبتدعونا إننا دايماً نتعامل مع بعض بالحسنة والرحمة، ولما تكون طيب ورحيم مع الناس هيحبوك وده إحساس حلو أوى ياسندق، عشان كده لازم توعدنى إنك تقلد النماذج الطيبة فى الأفلام والمسلسلات وتكون نموذج مثالى طيب محبوب من الناس زى سوبر مان كده وأحسن منه كمان".
سندق وبندق 20
وأكملت شهرزاد حكايتها قائلة:" وعد سندق شقيقه بندق بأن يتعامل مع الآخرين بالحسنة وينشر الخير بين الناس ويصبح مثل الأبطال الطيبين فى المسلسلات والأفلام السينمائية و.." وهنا صاح الديك ليعلن عن نهار جديد وسكتت شهرزاد عن الكلام المباح ووعدت شهريار بحكاية جديدة غداً من حكايات "سندق وبندق".
الديك
تم أضافة تعليقك سوف يظهر بعد المراجعة