يذاع برنامج سنة أولى مطبخ عبر تليفزيون اليوم السابع ومنصات التواصل الاجتماعى التابعة له، وهو من تقديم الزميلة رغدة هشام، ويقدم بشكل أسبوعى وجبات متنوعة بطريقة تحضيرها بالتفصيل وبكل بساطة.
ستربس الدجاج عبارة عن شرايح من صدور الدجاج ومتبلة ومتحمرة، من أطعم الأكلات ومحببة جدا عند الأطفال ويمكن تناولها في عيش أو مع مكرونة أو أرز، ورغم سهولتها إلا أن كثيرا من الناس يتناولها في المطاعم، اعرف طريقة عمل ستربس الدجاج المقرمش بتتبيله مميزة وطعم لا يقاوم من المطبخ.
مكونات ستربس الدجاج:
* كيلو من صدور الدجاج .
* ملعقة صغيرة ملح.
* نص ملعقة صغيرة فلفل أسود.
* ملعقة صغيرة بصل بودر.
* ملعقة صغيرة توم بودر.
* ملعقة صغيرة زنجبيل بودر.
* ملعقة صغيرة بابريكا.
* ملعقة كبيرة بهارات فراخ.
* ملعقة كبيرة خل.
* مرقة دجاج.
* 3 ملاعق دقيق.
* بيضة.
* بقسماط.
* كورن فلكس.
* نشا.
طريقة تحضير ستربس الدجاج:
* هنغسل الصدور الكاملة كويس ونصفيها من أي مايه.
* هنجيب القطاعة اللي هنقطع عليها الصدور ونحطها عليها ونحط عليها كيس ونخبط عليها براحة بالنشابة كذا مرة.
* هنقطع الصدور بالطول وتكون عريضة عشان لو رفيعة هتتحرق مننا وهتبقي مش حلوة خالص.
* في طبق غويط هنجيب التوابل بقا (الملح والبابريكا والفلفل الأسود والزنجبيل والبصل والتوم البودر و نفتفت مرقة الدجاج) ونقلبها كويس ونحط عليها ملعقة خل كبيرة.
* وبعدين نحط شرايح الدجاج فيهاونقلبها ونغطيها ونحطها في التلاجة أقل حاجة ساعتين وكل ما الصدور تفضل في التتبيلة هتبقي تحفة جدا.
* هنحضر بقا علبة أو صينية فيها ( 3 ملاعق دقيق وبيضة وملعقة صغيرة من جميع التوابل الذي استخدمناها في تتبيلة الفراخ و4 ملاعق مياه فاترة ونقلب جيدا حتي تصبح متماسكة.
* وفي صينية أخرى نضع ملعقة نشا كبيرة علي كوب دقيق وكوب كورنفلكس مبشور وملح و فلفل أسود.
* نجهز بقى حلة علي النار فيها زيت غزير ونسيبه يسخن.
* نجيب الصدور من التلاجة ونشيلها من التتبيلة نحطها في طبق الدقيق بالبيضة ثم طبق البقسماط وما نلمسهاش بإيدينا نحرك الطبق لحد ما تعمل طبقة عليها ونشيلها ونقلبها براحة لحد ما تكون الطبقة المقرمشة اللي برة وعلي الزيت علي طول .
* هنعمل الكمية كلها وما نقلبش الستربس خالص غير لما الطبقة تتكون كلها في الزيت ونقلبها الناحية التانيه علي نار وسط الرصة بتقعد حوالي 12 دقيقة.
* نطلع الستربس من الزيت لما يكون لونة دهبي جميل علي مناديل بقا.
تم أضافة تعليقك سوف يظهر بعد المراجعة