فيسبوك
واتساب
الملاكمة من الرياضات التي تعزيز الصحة واللياقة البدنية عند الاطفال، وتحتاج الى لياقة بدنية سليمة وخفة حركة وسرعة بديهة وتوازن داخل الحلبة، ناهيك عن التحمل والقوة التي يكتسبها الطفل منذ عمر صغير، فكل تلك العناصر تساعد الطفل على تعزيز لياقته الصحية والذهنية على حد سواء.
وفى هذا التقرير، نسلط الضوء على رياضة ملاكمة الأطفال، ويقول مدرب الملاكمة "عبد الرحمن كدوانى"، "الرياضة بالنسبة للأطفال روح، ده غير ان فوائدها الصحية لا تعد ولا تحصى اهمهم انه بيعالج السمنة عند الأطفال من خلال حرق الدهون المستمر عندهم لان الملاكم بطبيعة الحال بعد التدريب بيفضل جسمه محتفظ بجزء صغير جدا من الدهون".
تابع، "بدرب الأطفال بروح حلوة بمعنى اننا ممكن نغنى واحنا بنلعب علشان أثير حماستهم، واللى بنوصله للأطفال مش رياضة بس احنا بنوصلهم روح حلوة واخلاق كمان كل يوم ينعلمهم حاجة تفيدهم فيما بعد، ده غير اننا بنعلمهم طرق الدفاع عن النفس وديه واحدة من أهم المهارات اللى الطفل لازم يتقنها، وكمان طريقة توظيف الملاكمة واستخدامها بالشكل الصحيح".
واستكمل: "الملاكمة كمان بتعلم الطفل البعد عن العنف وبتخليه يتحكم في نفسه وبتعلم الطفل امتى يكون من الضرورى التصدى للخصم والدفاع عن نفسه ده غير أنها بتبنى الثقة بالنفس، التحفيز مهم جدا والغناء أثناء التدريب يثير الحماسة فمجرد أما بيكون الطفل داخل الحلبة بيحس أنه قادر على فعل أى شيئ".
