أوائل الإعدادية يقدمون نصائح للطلاب قبل بدء الدراسة بـ"مصر تستطيع"

استضاف برنامج مصر تستطيع أوائل الإعدادية الحاصلين على 100% فى الشهادة الإعدادية روضة محمد من بنى سويف وسالمة حجاج من الفيوم وكريم رأفت من القاهرة.

وقالت روضة محمد: "أنا بركز على هدفى وبحس إنى عندى مسئولية لازم أتمها على أكمل وجه علشان أرضى ربنا وأرضى نفسى وببعد عن أى مشتتات ولازم أكون قد المسئولية وبدأت المذاكرة من شهر 8، وكنت دايما أصلى وأقرأ قرآن فى الفاصل بين فترات المذاكرة".

وأوضحت سالمة حجاج: "بدأت المذاكرة قبل الدراسة وبدأت بالعلوم والدراسات لأنها تحتاج إلى الحفظ ولكن الإنجليزى والرياضيات حاجات محتاجة تدريب وفى أيام ما كنتش بذاكر فيها لأنها فيها دروس بتضيع اليوم كله، وأكدت أنها كانت تبتعد عن المشتتات مثل الموبايل".

ونصح كريم رأفت الطلاب بعدم البدء فى المذاكرة بحماس زائد حتى لا يفقدون حماسهم وعليهم البدء بالمواد الصعبة مثلا العلوم وكنت باخد يوم راحة مثلا الجمعة أو الخميس حسب الأولويات وكنت بقعد على قد ما احتاج ممكن ساعتين أو 3 وبكتب أولوياتى بالورقة والقلم وكنت دايما بمشى مع المدرسة ولا أسبقها.