قال الدكتور خالد الجندى عضو المجلس الأعلى للشئون الإسلامي: "أنا شخصيا اشتغلت شيال وأنا طالب عشان أصرف على نفسى ووالدى لم يترك لى الأطيان ولا الفدادين وترك لى الدين والسمعة الطيبة".
وأضاف خلال حلقة اليوم من برنامج لعلهم يفقهون المذاع على قناة دى إم سى : "وأنا بقول لكل واحد ابنه رسب فى الثانوية العامة فى كام واحد ابنه فى المستشفى مفيش دولة فى العالم فيها حد بيعتمد على شهادته إلا احنا".
وتابع: "لابد ان تعلموا أولادكم أنا لا يعتمدوا على الشهادات وإن الشغل مش عيب، المجتمع الآن لا يتسع لأصحاب الشهادات ولكن يتسع لأصحاب الخبرات، والشهادة ما هى إلا رخصة انطلاق، والإحباط غير مسموح بيه، إيه يعنى لما ابنك يعيد السنة ما فيهاش حاجة".
وأكمل: "هل تفضل ان ابنك يرسب عام أو يروح فى حادث، لا يوجد يأس فى ناس بتكرر شغلها 10 سنين وعشرين سنة وبيجيلها يأس لكن سيدنا نوح قعد 1000 سنة يكرر عمله دون يأس وعمل مع قومه كل شيء وهو صابر ومتحمل لم يصبه يأس أو قنوط".
تم أضافة تعليقك سوف يظهر بعد المراجعة