عشقت فن "الهاند ميد" منذ نعومة أظافرها، فكانت تبحث دائماً فى مواقع الإنترنت عن أفكار مختلفة لتصممها بنفسها، حتى عثرت على فيديوهات تعليمية عن تصميم أشكال مختلفة من عجين السيراميك، ونالت الفكرة إعجابها وبدأت فى تصميم أنواع من الزهور بالعجين، الأمر الذى أتقنته مع مرور الوقت ونالت من خلاله العديد من الجوائز.
باقة أخرى من الزهور
زهور من تصميم رانية عجمى
تحدثت رانية عجمية، الحاصلة على بكالوريوس خدمة اجتماعية وماجستير إدارة أعمال، عن حبها لـ"الهاند ميد"، وتصميم للزهور بعجين السيراميك، لـ"اليوم السابع"، حيث قالت "أنا بحب شغل الهاند ميد من صغرى ومن 2009 بدأت أشوف على الإنترنت طريقة عمل أشكال من عجينة السيراميك وجربت مع نفسى لحد ما اكتشفت سيدة بتعلم أونلاين التشكيل بعجينة السيراميك، وبدأت كورسات أون لاين مع مدربين أجانب عشان أقدر أنمي هوايتى أكتر وفى نفس الوقت أنا عندى مرض مزمن أسمه فيبرومالجيا المرض ده 90% من علاجه اليوجا وممارسة هواية".
زهور أخرى
زهور
تابعت "بدأت أحول هوايتى لاحتراف من سنة 2020 واللى ساعدنى أكتر إنى اتصابت بكورونا 4 مرات فكان عندى وقت كبير إنى اشتغل فى البيت، وبدأت أستغل مرضى بشكل إيجابى واشتغل عشان أقوى مناعتى من خلال سعادتى فى الشغل، وإنى اسمع تشجيع من مدرب عالمى بأنى نجحت وأقدر أدخل مسابقة ده كان بيفرق معايا جداً".
زهور من عجينة السيراميك
شهادة أخرى
وأشارت رانية إلى بعض الأشياء التى جعلت تصميماتها مختلفة عن التصميمات الأخرى، حيث قالت "اللى بيميز شغلى إنى قدرت أخلى عحينة السيراميك ماتفرقش عن ورد السكر وبدلت مقادير عجينة البورسلين اللى بتستخدم برة بمواد موجودة فى مصر".
شهادة اخرى حصلت عليها رانية
وعن الجوائز التى حصلت عليها رانية، قالت "حصلت على مركز أول فى مسابقة بوكية البورسلين باسم مصر 2021 ونجمة الكيك فى مسابقة عالمية وميدالية برونزية فى مسابقة كيك انترناشونال دى كانت أصعب مسابقة واستفدت من ملاحظاتهم فى آخر بوكيه عملته".
إحدى الشهادات التى حصلت عليها رانية
وختمت رانية حديثها قائلة "شغلى بالنسبة لى هواية وأمل وبتمنى أتعلم شغل فنى نادر من متخصصين وأشبع هوايتى ويكون ليا اسم معروف فى بلدى وأعمل أكاديمية تعليمية".
باقة أخرى
رانية عجمى
صورة أخرى
زهور من تصميم رانية
تم أضافة تعليقك سوف يظهر بعد المراجعة