أحد أبرز شعراء مصر بصفة خاصة وفى العالم العربى بصفة عامة، تغنى من كلماته كبار المطربين فى زمن الفن الفن الجميل، هو مأمون الشناوى الذى تحل اليوم ذكرى رحيله، إذ رحل عن عالمنا فى مثل هذا اليوم 27 يونيو من عام 1994م، بعد أن قدم مجموعة من الأشعار استطاع من خلالها أن يرضي كافة الأذواق، ولكن ما نستعرضه هو ما قدمه لكوكب الشرق أم كلثوم.
مأمون الشناوى الذى ولد فى 28 أكتوبر 1914، مجموعة من الأغانى للسيدة أم كلثوم حيث تغنت بـ 4 أغاني من كلمات مأمون الشناوي هي "أنساك يا سلام" 1961، "كل ليلة وكل يوم" 1964، "بعيد عنك" 1965، وجميعها من ألحان بليغ حمدي، إلى جانب أغنية "ودارت الأيام" فى عام 1970 لحن محمد عبد الوهاب.
أغنية "أنساك يا سلام":
أنساك..! ده كلام..؟ أنساك..! يا سلام..!
أهو ده اللى مش ممكن أبداً. ولا أفكر فيه أبداً
ده مستحيل قلبي يميل ويحب يوم غيرك أبدا أبدا أبدا أهوده اللى مش ممكن أبدا
ولا ليله ولا يوم.. أنا دقت النوم ..ايام بعدك
كان قلبك فين؟..وحنانك فين؟.. كان فين قلبك؟
أنا أنسى جفاك وعذابى معاك ما أنساش حبك
أنساك ده كلام انساك يا سلام
أغنية "كل ليلة وكل يوم"
كل ليله وكل يوم أسهر لبكره فى انتظارك يا حبيبي
فكري طول الليل فى ليلك والنهار كله فى نهارك يا حبيبي
يا ترى يا واحشني بتفكر فى مين عامل ايه الشوق معاك
عامل ايه فيك الحنين
سهرت السهر فى عنيا صحيت المواجع فيا
كل ساعة وكل ليله وكل يوم بعد ما اطمن عليك
أغنية "بعيد عنك"
نسيت النوم وأحلامه
نسيت لياليه وأيامه
نسيت النوم وأحلامه
نسيت لياليه وأيامه
نسيت النوم وأحلامه
نسيت لياليه وأيامه
بعيد عنك حياتي عذاب
ما تبعدنيش بعيد عنك
بعيد عنك حياتي عذاب
ما تبعدنيش بعيد عنك
ما ليش غير الدموع أحباب
معاها بعيش بعيد عنك
بعيد عنك حياتي عذاب
أغنية "دارت الأيام"
ودارت الأيام
ومرت الأيام
ما بين بعاد وخصام
وقابلته....نسيت إني خصمته
ونسيت الليل اللي سهرته
وسامحت عذاب قلبي وحيرته
ما اعرفش إزاي إزاي إزاي أنا كلمته
ما اقدرش على بعد حبيبي
أنا ليا مين أنا ليا مين إلا حبيبي
تم أضافة تعليقك سوف يظهر بعد المراجعة