عقد البرتغالى جوسفالدو فيريرا المدير الفنى الجديد لفريق الكرة الأول بنادى الزمالك، جلسة تعارف مع اللاعبين بعد توليه المهمة بشكل رسمى أمس الثلاثاء، خلفًا للفرنسى باتريس كارتيرون الذى تمت إقالته بسبب سوء النتائج.
وكشف الموقع الرسمى للزمالك كواليس الجلسة التى حضرها الجهاز المعاون لفيريرا وأمير مرتضى المشرف العام على الفريق، وتحدث الخواجة البرتغالى مع اللاعبين ووجه لهم عدة رسائل.
وقال فيريرا للاعبين: "لازم تتمسك بالفرصة لو اتيحت لك، الكل عنده مسئولية لوضع النادى على الطريق الصحيح، وأنا شرف لى أن أتواجد هنا، وفى الملعب بينا وبين بعض مش هيبقى كلام لا هيكون فعل".
أضاف: "فى ماتش بعد 3 أيام، والماتش ده يا نبقى كل حاجة ويا ولا حاجة، وأنتم عارفين الوداد لإنكم لعبتوهم قبل كده، لكن أنا معرفهمش لكن أعرف لاعيبتى، ومش هيهمنى هلاعب مين، لكن أهم حاجة قبل بداية الشغل المينيو بتاع المطعم مهم جدًا جدًا بالنسبالى.. وأهم حاجة إننا بنافس على الدورى وأفريقيا وعندنا فرصة نحارب عليها".
وقال أمير مرتضى: "أعرفه من 2014 وأنتم محظوظين إنكم هتتمرنوا معاه، هو هيعلمك حاجات جوة الملعب وبرا الملعب هتمشى بيها، يمكن الناس اللي اشتغلت معاه قبل كده عارفين الكلام ده وإنى مش ببالغ فيه.. وفى النهاية بالنيابة عنى وعن الفريق برحب بيك، ومافيش وقت تانى للكلام".
تم أضافة تعليقك سوف يظهر بعد المراجعة