سلط برنامج "شغل عالى"، الذى تقدمه الإعلامية دينا عبد الكريم، عبر فضائية "CBC"، الضوء على قصة المواطن إميل راتيلباند، مع المحامي، وأنه قال للمحامي: "شوفلك صرفة وصغرني في الأوراق الرسمية 20 سنة، هل يقول للعميل معرفش أو مشكلتك ملهاش حل مثلا، لكن دا مش في قاموس المحامي، وبعد فنجان قهوة وشوية فضفضة فهم المحامي إن الراجل مش قادر يكون علاقات مع الجنس اللطيف لأنه راجل كبير".
وتابع التقرير: "مفيش حل غير إنه يغير تاريخ ميلاده من 11 مارس 1949 إلى 11 مارس 1969، والأغرب المحامى تضامن مع موكله، ورفع الدعوى فعلا وأخذه للإعلام ليقنع الناس أنه يشعر بالتمييز بسبب السن، وعلى قد ما الكلام كان غريب ومجنون على قد ما المحامي كان في ضهر العميل".
وواصل التقرير: "مهما كنت شايف إن شغلتك صعبة، أكيد إنت مش بتواجه نفس الصعوبات اللي بيواجهها المحامي، الناس كلها بتيجي تقولك الحقني يا متر، خرجني يا متر، والمفروض مطالب تسمع للكل وتراضي الكل، وتحاول تجيب البراءة للكل".
