شريهان أبو الحسن: "فيه ستات تقولك قلبى مش مرتاح لجوزها رغم إنه مافيش ست تانية"

ناقشت الإعلامية شريهان أبو الحسن، إحدى القضايا الزوجية الهامة في حلقة اليوم الأربعاء، من برنامج "راجل و2 ستات" المذاع عبر قناة ON، قائلة: "فيه حاجات بتبقى باينه وعادية فالست تقولك جوزي متغير، وفيه حاجات الست بتشغل فيها الرادار رغم إن الأداء عادي، وتقولك قلبي مش مستريح، وأنا مش فاهمه الست دي، وطول ما هي قاعدة تقعد تدور في حاجات، رغم إن مفيش حاجة تستدعي الشك".

أضافت شريهان أبو الحسن: "ليس بالضرورة أن يكون فيه ست في الموضوع، والحقيقة إن فيه ستات مابتفكرش إن فيه ست تانية لكن هي تبتدى تشك في نفسها، وتقولك يا ترى أنا مابقتش عجباه، ويا ترى أنا مابقتش حلوة ومبقاش يحبني، ويا ترى هو زهقان من البيت ولا مني، ودماغي تودي وتجيب".

وتابعت: "الستات مشغولة بالملف ده طول الوقت، وبعدين مين ممكن يعمل نفس الفعل طول الوقت بنفس الطريقة على نفس الوتيرة، وإزاى انتي تطالبيه لما يدخل البيت يبوسك بنفس الطريقة في كل مرة، فلما مايعملش ده انتي بتتوتري"، وردت الفنانة نهال عنبر قائلة: "لو الراجل ماعملش كده، على الست أن تفعل ده، مش عيب ده حوزي مش حد غريب".