وجه الإعلامى أحمد موسى، رسالة إلى جمال علام، رئيس الاتحاد المصرى لكرة القدم، قائلا: "النهاردة تلقينا دعوة زي كل البرامج والزملاء في الإعلام اتفضلوا احضروا تدريب المنتخب، واتصوروا، وبعتنا بسرعة والدعوة جات متأخرة جدا الساعة 4 وشوية".
وأضاف خلال تقديمه برنامج "على مسؤوليتي"، أن "هناك 100مليون منتظرين يشوفوا أبطالنا، والمنتخب وخاصة أن عندنا تحدي كبير جدا ، وأنا هنا كمان ،كان معانا شركة تذكرتي والشركة المسؤولة عن التأمين، يا جماعة قولولنا المنتخب أخباره ايه، أنا أخد معلوماتي منين والبرامج والإعلام، والجهاز الفني يقولك بلاش، طب عظيم، أين الاتحاد المصرى لكرة القدم، مين المسؤول يمد الإعلام أخبار منتخبنا ايه".
ووجه موسى التحية للدكتور أشرف صبحي، وزير الشباب والرياضة، متسائلا: "هل دا دور وزير الشباب والرياضة، ولا دور الاتحاد يبقى موجود ويتكلم، دور الأستاذ جمال علام يطلع يتكلم، والاتحاد يتكلم، يبقى هو اللي موجود ويتكلم من هنا، املوا الإعلام، واتكلموا مش عاوز خطتك أنا ولكن كلمني عن أخبار منتخبي وكلمني عن صلاح وتريزيجيه والشناوي، ومصطفى، ومرموش، كلموني في ماتش عظيم جاي، اعمل حشد للشعب المصري، كل يوم عمالين نتكلم شجعوا مصر وملاقيش أي مسؤول في الاتحاد يتكلم كلمتني، مجرد ظهوركم مهم، عاوز الاتحاد يبقى موجود ورئيس الاتحاد وأعضاء الاتحاد يبقوا موجودين".
وتابع موسى: "أترحم على أيام مين ولا مين، الجنايني ولا أحمد مجاهد، مكانوش يتأخروا عن الإعلام، لازم يعرفوا يا أستاذ جمال أهمية الإعلام، لو مداخلة، مهم عاوز أقول للناس عندنا اتحاد أهو بيتكلم وبيشتغل وموجود وواقف، ما احنا كلنا مع المنتخب وموراناش غير المنتخب، وبكرة حلقتي كلها عن المنتخب والماتش، طب ايه مطلوب نعمل أكتر من كده، وفي الأخر عاوز مسؤول يتكمل، بالمناسبة مش أنا بس مش لاقي مسؤول يتكلم، ويطلع وزير الشباب والرياضة يتكلم، دا يا راجل ماله هو الدكتور أشرف مع احترامي وتقديري لجهده المبذول وفي الستاد والمدرجات ويساند اللاعيبة، واللي كان يبقى واقف هو الأستاذ علام، امتى الاتحاد يبقى موجود هنا، عندك أهم من ماتش مصر والسنغال ايه، قولولي".
وتساءل موسى: "ايه الأهمية اللي عندكم أهم من هذه المباراة، دا انتو تعسكروا مع المنتخب وتلبوا احتياجاته حتى تبقى نايمين معاهم في المعسكر وتلبي احتياجات وطلبات المنتخب لحد ما نرجع بالسلامة واحنا طالعين بكأس العالم، من هنا لحد يوم 29 إلا المنتخب، انسوا كل حاجة واكل نايم شاب معاهم وفر كل احتياجاته وكل طلب يلبى فورا، إنما وزير الشباب والرياضة طول الوقت متحرك جدا وشغال جدا، وحاجات كتير يعملها، يبقى موجود الدكتور أشرف هايل، ولكن مين جنبه، يبقى على ش ماله وائل جمعة المفروض على يمينه رئيس الاتحاد وعلى شماله كروش وأعضاء الاتحاد كلهم يبقوا موجودين، لو أنا ملقيتوش النهاردة هلاقيه بكرة هلاقيه بعد ما التصفيات تخلص، الأستاذ جمال علام رجاء اقعدوا مع المنتخب.. عسكروا مع المنتخب.. لا تتركوا المنتخب هذه الأيام.. والاعلام فى حاجة إليكم.. وزعوا نفسكم على القنوات.. اعملوا مداخلات.. اطلعوا واتكلموا.. عاوزين نطمن.. طمنوا الجمهور والـ 100 مليون".
واواصل موسى: "نعمل ايه.. رجاء.. انا اهو بالمناسبة انا طلبت مرة واتنين وتلاتة.. وهما الناس ظراف ولطاف.. معلشى يا جماعة بعتذر.. ليه جماعة.. اصل مش عاوزين نتكلم دلوقتي.. ليه يا جماعة مش عاوزين نتكلم دلوقتي.. وحتى الزملاء.. طب يتكلموا امتى.. امتى الكلام.. ده وقت الكلام.. ده وقت حشد الـ 100 مليون.. كلنا نعمل كده.. نكرس هذه الأوقات للمنتخب.. ودائما انا بعمل الحكاية دى".
تم أضافة تعليقك سوف يظهر بعد المراجعة